ନୂଆଦିଲ୍ଲୀ(ଓଡ଼ିଶା ରିପୋର୍ଟର୍): ପ୍ରମୁଖ ଚାରିଚକିଆ ଯାନ ନିର୍ମାତା ହୁଣ୍ଡାଇ ମୋଟର କମ୍ପାନୀ ଏହାର ବହୁ ପ୍ରତୀକ୍ଷିତ କାର୍ ନ୍ୟୁ ହୁଣ୍ଡାଇ ସାଣ୍ଟ୍ରୋକୁ ଭାରତୀୟ ବଜାରରେ ଲଞ୍ଚ୍ କରିଛି। ଏହାର ମୂଲ୍ୟ ୩ ଲକ୍ଷ ୮୯ହଜାର ୯୦୦ ଟଙ୍କାରୁ ଆରମ୍ଭ ହେଉଛି। ଏହି କାର୍ର ବିଶେଷତ୍ୱକୁ ନେଇ କିଛି ଦିନ ଧରି ବଜାରରେ ବେଶ୍ ଚର୍ଚ୍ଚା ଚାଲିଥିଲା।
ନୂଆ Santroର ଡିଜାଇନ୍ Rhythmical Tension ଥିମ୍ ଉପରେ ଆଧାରିତ। କାର୍ର ଏକ୍ସଟେରିୟର କଥା କହିଲେ, ଏହା କାସ୍କେଡ୍ ଗ୍ରିଲ୍ ସହ କ୍ରୋମ୍ ସହରରୁ ଇନ୍ସ୍ପାୟର୍ଡ। ଏଥିସହ ଏହାକୁ ଏକ ସ୍ପୋର୍ଟିଂ ଲୁକ୍ ମଧ୍ୟ ଦିଆଯାଇଛି।
କାର୍ରେ ୧୭.୬୪ସେମି.ର ଟଚ୍ ସ୍କ୍ରିନ୍ ଓ ଅଡିଓ-ଭିଡିଓ ସିଷ୍ଟମ ରହିଛି। ଏହି ମଲ୍ଟି ମିଡିଆ ସିଷ୍ଟମରେ ଆଣ୍ଡ୍ରଏଡ୍ ଅଟୋ, ଆପଲ କାର୍ପ୍ଲେ, ମିରର୍ ଲିଙ୍କ୍ ଓ ଆଇବ୍ଲୁ ସ୍ମାର୍ଟଫୋନ୍ ଆପ୍ ସପୋର୍ଟ ସହ ଭଏସ୍ ରେକଗ୍ନିଶନ୍ ଫଙ୍କସନ୍ ଦିଆଯାଇଛି।
ଏହା ପେଟ୍ରୋଲ୍ ଭାରିଆଣ୍ଟ୍ ସହ ଏବେ ବଜାରରେ ଉପଲବ୍ଧ କମ୍ପ୍ରେସ୍ ନ୍ୟାଚୁରାଲ୍ ଗ୍ୟାସ୍ (CNG) ଇନ୍ଧନରେ ମଧ୍ୟ ଚାଲିବ। କମ୍ପାନୀର ସୂଚନା ମୁତାବକ ଏହା ଲିଟର୍ ପିଛା ୨୦.୩ ମାଇଲେଜ୍ ଦେବ।
ଉଲ୍ଲେଖଯୋଗ୍ୟ, ଏହି କାର୍ର ବଜାର ପ୍ରବେଶର ପ୍ରଥମ ଦିନରେ ହିଁ ପ୍ରାୟ ୧ହଜାର ୟୁନିଟ୍ ବୁକ୍ ହୋଇସାରିଲାଣି।