ପୂଜା ବଜାରରେ TVSର ନୂଆ ସ୍କୁଟର୍‌: ଜାଣନ୍ତୁ କେତେ ଦାମ୍‌

ନୂଆଦିଲ୍ଲୀ (ଓଡ଼ିଶା ରିପୋର୍ଟର): ଏଥରର ପୂଜା ବଜାରକୁ ଟାର୍ଗେଟ୍ କରି TVS କମ୍ପାନୀ ଭାରତରେ ନିଜର ନୂଆ Jupiter Grande ସ୍ପେଶାଲ ଏଡିସନ୍ ସ୍କୁଟରକୁ ଲଞ୍ଚ୍ କରିଛି। ଟପ୍‌ ସ୍ପେଶିଫିକେଶନ୍‌ ଯୁକ୍ତ Jupiter Grande ସ୍କୁଟର ଉଭୟ ଡ୍ରମ ଓ ଡିସ୍କ ପ୍ରକାରରେ ବଜାରରେ ଉପଲବ୍ଧ ହେଉଛି । ଭାରତୀୟ ବଜାରରେଏହି ଦୁଇ ପ୍ରକାରର ସ୍କୁଟର୍‌ର ମୂଲ୍ୟ ଯଥାକ୍ରମେ ୫୫ ହଜାର ୯୩୬ ଟଙ୍କା(ଏକ୍ସ-ଶୋରୁମ୍, ଦିଲ୍ଲୀ) ଓ ୫୯ ହଜାର ୬୪୮ ଟଙ୍କା (ଏକ୍ସ-ଶୋରୁମ୍, ଦିଲ୍ଲୀ) ରହିଛି।

Jupiter Grandeକୁ ଅଧିକ ଆକର୍ରେଷଣୀୟ କରିବା ପାଇଁ ଏଥିରେ ଅନେକ ନୂଆ ଫିଚର ଓ ଅପଡେଟ୍‌ ଦିଆଯାଇଛି । ଏହାର ବୈଶିଷ୍ଟ୍ୟ ରେଗୁଲାର ମଡେଲରେ ଦିଆଯାଇଥିବା ଷ୍ଟାଣ୍ଡାର୍ଡ ଫିଚର ତୁଳନାରେ ଯଥେଷ୍ଟ ଅଧିକ। Jupiter Grande ଏକ ପେଣ୍ଟ ସ୍କିମ୍‌ – ଷ୍ଟାରଲାଇଟ୍ ବ୍ଲୁରେ ମଧ୍ୟ ଉପଲବ୍ଧ।

TVS Jupiter Grandeର ଫିଚର କଥା କହିଲେ, ଏଥିରେ ଆଡଜଷ୍ଟେବଲ ଶକ୍ ଅବ୍‌ଜର୍ବର୍‌, LED ହେଡ୍‌ଲାଇଟ୍, ସେମି ଡିଜିଟାଲ୍ ଇନ୍‌ଷ୍ଟ୍ରୁମେଣ୍ଟ କ୍ଲଷ୍ଟର, ନୂଆ ଡିଜାଇନ୍‌ର ସିଟ୍‌ କଭର୍‌, ବେଜ୍‌-କଲର୍‌ ଇଣ୍ଟିରିୟର ପ୍ୟାନେଲ୍ ଓ ଡିସ୍କ ଭ୍ୟାରିୟାଣ୍ଟରେ ଡାଇମଣ୍ଡ କଟ୍‌ ଆଲୟ ହ୍ୱିଲ୍ସ୍ ରହିଛି।  ଅନ୍ୟ ଷ୍ଟାଣ୍ଡାର୍ଡ ଫିଚର ମଧ୍ୟରେ, TVS Jupiterରେ ଏକ୍ସଟରନାଲ୍ ଫୁଏଲ୍‌ ଫିଲର କ୍ୟାପ, ରିଜର୍ଭ ଫୁଏଲ୍‌ ଇଣ୍ଡିକେଟର, ଅଣ୍ଡର ସଟ୍‌ ମୋବାଇଲ ଚାର୍ଜର ପାର୍କିଂ ବ୍ରେକ୍ ଓ ପାସ୍‌ ଲାଇଟ୍ ସ୍ୱିଚ୍‌ ଦିଆଯାଇଛି।

ଏହି ନୂଆ ଫିଚର ବ୍ୟତୀତ ଏହି ସ୍କୁଟରରେ ସମସ୍ତ ମେକାନିକାଲ ବ୍ୟବସ୍ଥା ଅପରିବର୍ତ୍ତିତ ରହିଛି । ଏଥିରେ 109cc, ସିଙ୍ଗିଲ ସିଲିଣ୍ଡର ଇଞ୍ଜିନ ଦିଆଯାଇଛି, ଯାହାକି 8bhp ପାୱାର ଓ 8Nm ଟର୍କ ଜେନେରେଟ କରିଥାଏ। ବ୍ରେକିଂ ପାଇଁ ଏଥିରେ ଫ୍ରଣ୍ଟ ଓ ରିୟର ଦୁଇଟିରେ 130mm ଡ୍ରମ ବ୍ରେକ୍‌ ଦିଆଯାଇଛି। ଏଥିସହ 220mm ଫ୍ରଣ୍ଟ ଡିସ୍କର ବିକଳ୍ପ ମଧ୍ୟ ରହିଛି।