ନୂଆଦିଲ୍ଲୀ: Samsung ନିକଟରେ ତାର ବଜେଟ୍ ସ୍ମାର୍ଟଫୋନ୍ Galaxy M30sର 4GB/128GB ଭ୍ୟାରିୟାଣ୍ଟ ଲଞ୍ଚ୍ କରିଥିଲା। ଆଉ ଏବେ ଏହାର ବିକ୍ରି ଆରମ୍ଭ ହୋଇଯାଇଛି। ଏହି ଫୋନ୍ଟିକୁ ଆପଣ ସାମସଙ୍ଗର ଅଫିସିଆଲ୍ ୱେବସାଇଟ୍ ଓ ଆମାଜ୍ ଇଣ୍ଡିଆରୁ କିଣିପାରିବେ। ଏହି ଫୋନ୍ର ବିଶେଷତ୍ତ୍ୱ ହେଉଛି ଏହାର Exynos 9611 ପ୍ରୋସେସର୍ ଓ 6,000mAhର ପାୱାର୍ଫୁଲ୍ ବ୍ୟାଟେରୀ।
କମ୍ପାନୀ Galaxy M30sର 4GB/128GB ଭ୍ୟାରିୟାଣ୍ଟର ମୂଲ୍ୟ ୧୪ ହଜାର ୯୯୯ ଟଙ୍କା ରଖିଛି। ଏହାକୁ ଗ୍ରାହକମାନେ ବ୍ଲାକ୍, ବ୍ଲୁ ଓ ଗ୍ରୀନ୍ କଲର୍ରେ କିଣି ପାରିବେ। ଏହି ସ୍ମାର୍ଟଫୋନ୍ର ଅନ୍ୟ ଦୁଇଟି ଭ୍ୟାରିୟାଣ୍ଟ 4GB/64GB ଓ 6GB/128GBର ମୂଲ୍ୟ ଯଥାକ୍ରମେ ୧୨ ହଜାର ୯୯୯ ଟଙ୍କା ଓ ୧୫ ହଜାର ୯୯୯ ଟଙ୍କା ରଖାଯାଇଛି।
ଫିଚର: Galaxy M30sରେ ଆପଣଙ୍କୁ ୬.୪ ଇଞ୍ଚର ଫୁଲ୍ ଏଚ୍ଡି ପ୍ଲସ୍ ସୁପର ଆମୋଲେଡ୍ ଡିସ୍ପ୍ଲେ, Exynos 9611 ପ୍ରୋସେସର୍, Android 9pie ବେସ୍ଡ OneUI ଅପରେଟିଂ ସିଷ୍ଟମ୍ ଓ ସବୁଠୁ ପାୱାର୍ଫୁଲ୍ 6,000mAh ବ୍ୟାଟେରୀ ସହ ୧୫ ୱାଟ୍ ଫାଷ୍ଟଚାର୍ଜ ସପୋର୍ଟ ମିଳିବ। ଫଟୋଗ୍ରାଫି ପାଇଁ ଏହାର ପଛରେ 48MP+8MP+5MPର ଟ୍ରିପଲ୍ କ୍ୟାମେରା ରହିଛି। ଏଥିସହ ସେଲ୍ଫି ପାଇଁ ଏଥିରେ 16MPର ଫ୍ରଣ୍ଟ୍ କ୍ୟାମେରା ରହିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
