ଜିଏସ୍ଟି ରାଜସ୍ୱ ଗତବର୍ଷ ଅଗଷ୍ଟ ତୁଳନାରେ ଏଥର ୧୧% ବୃଦ୍ଧି ପାଇଛି। କ୍ରମାଗତ ଭାବେ ଜିଏସ୍ଟି ସଂଗ୍ରହ ୧.୬ ଲକ୍ଷ କୋଟି ଉପରେ ରହୁଥିବାରୁ ଏହା ଅର୍ଥନୀତି ପାଇଁ ଭଲ ଖବର ଆଣି ଦେଇଛି। କ୍ରମାଗତ ତୃତୀୟ ଥର ପାଇଁ ମାସିକ ଜିଏସ୍ଟି ରାଜସ୍ୱ ୧.୬ ଲକ୍ଷ କୋଟି ଉପରେ ରହିଛି।
୨୦୨୨ ମସିହା ଅଗଷ୍ଟ ମାସରେ ଜିଏସ୍ଟି ବାବଦରେ ୧,୪୩,୬୧୨ କୋଟି ଟଙ୍କା ଆଦାୟ ହୋଇଥିଲା। କିନ୍ତୁ ଚଳିତ ବର୍ଷ ଅଗଷ୍ଟରେ ଜିଏସ୍ଟି ରାଜସ୍ୱ ୧.୬ ଲକ୍ଷ କୋଟି ଟଙ୍କା ଥିବା ରାଜସ୍ୱ ସଚିବ ସଞ୍ଜୟ ମାଲହୋତ୍ରା ସୂଚନା ଦେଇଛନ୍ତି।
Also Read
ଦେଶରୁ ଜିଏସ୍ଟି ବାବଦରେ ଆଦାୟ ହେଉଥିବା ରାଜସ୍ୱ ସଂଗ୍ରହର ପରିମାଣ ବୃଦ୍ଧି ପାଇଛି। ଜୁଲାଇ ମାସରେ ସମଗ୍ର ଦେଶରୁ ୧,୬୫,୧୦୫ କୋଟି ଟଙ୍କାର ଜିଏସ୍ଟି ସଂଗ୍ରହ କରାଯାଇଥିଲା।
ଚଳିତ ବର୍ଷ ଏପ୍ରିଲ ମାସରେ ରେକର୍ଡ ୧.୮୭ ଲକ୍ଷ କୋଟି ଟଙ୍କା ଜିଏସ୍ଟିରୁ ସଂଗ୍ରହ ହୋଇଥିଲା। ଏହା ସର୍ବକାଳୀନ ରେକର୍ଡ ରହିଥିଲା। ଜୁଲାଇ ମାସରେ ମୋଟ ୧,୬୫,୧୦୫ କୋଟି ଟଙ୍କା ଜିଏସଟି ବାବଦରୁ ମିଳିଥିଲା।
ଜୁନ ମାସରେ ଜିଏସ୍ଟିରୁ ୧,୬୧,୪୮୭ କୋଟି ଟଙ୍କଆଦାୟ ହୋଇଥିଲା। ମେ’ ମାସରେ ଜିଏସ୍ଟି ଆଦାୟ ପରିମାଣ ୧,୫୭,୦୯୦ କୋଟି ଥିଲା।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
