ନୂଆଦିଲ୍ଲୀ(ଓଡ଼ିଶା ରିପୋର୍ଟର): କର୍ମଚାରୀ ଭବିଷ୍ୟନିଧି ପାଣ୍ଠି(ଇପିଏଫ୍)ଆକାଉଣ୍ଟଧାରୀଙ୍କ ପାଇଁ ଖୁସି ଖବର। କାରଣ ପୂର୍ବାପେକ୍ଷା ଏଥର ଇପିଏଫ୍ ଆକାଉଣ୍ଟଧାରୀ ଅଧିକ ସୁଧ ପାଇବେ। ମିଳିଥିବା ସୂଚନା ଅନୁସାରେ,ଇପିଏଫ୍ଓ ଏହାର ସୁଧହାର ୮.୫୫%ରୁ ୮.୬୫%କୁ ବୃଦ୍ଧି କରିବା ପାଇଁ ନିଷ୍ପତ୍ତି ନେଇଛି।
ଇପିଏଫ୍ଓର ସେଣ୍ଟ୍ରାଲ୍ ବୋର୍ଡ ଅଫ୍ ଟ୍ରଷ୍ଟିଜ୍(ସିବିଟି)ର ବୈଠକରେ ସମସ୍ତ ସଦସ୍ୟ ସୁଧହାର ବୃଦ୍ଧି ସପକ୍ଷରେ ମତ ରଖିଛନ୍ତି। ବୈଠକ ପରେ କେନ୍ଦ୍ର ଶ୍ରମମନ୍ତ୍ରୀ ସନ୍ତୋଷ ଗଙ୍ଗୱାର ସୂଚନା ଦେଇ କହିଛନ୍ତି ବୋର୍ଡ ସଦସ୍ୟମାନଙ୍କ ସୁପାରିସକୁ ଚୂଡ଼ାନ୍ତ ମଞ୍ଜୁରୀ ପାଇଁ ଅର୍ଥ ମନ୍ତ୍ରଣାଳୟକୁ ପଠାଯିବ। ଏହାଦ୍ୱାରା ପ୍ରାୟ ୬ କୋଟି ଇଫିଏଫ୍ ହିତାଧିକାରୀ ଉପକୃତ ହେବେ।
ସୂଚନା ଅନୁସାରେ ୨୦୧୫-୧୬ରେ ଇପିଏଫ୍ଓ କର୍ମଚାରୀମାନଙ୍କୁ ୮.୮% ସୁଧ ଦେଉଥିବା ବେଳେ ଏହାକୁ ବିଭିନ୍ନ ସମୟରେ ହ୍ରାସ କରି ୮.୫୫%କୁ ଖସାଇ ଦେଇଥିଲା। ୨୦୧୭-୧୮ରେ ଏହା ୮.୬୫% ଥିଲା। ସେହିପରି ୨୦୧୩ରୁ ୨୦୧୫ ପର୍ଯ୍ୟନ୍ତ ଏହା ୮.୭୫% ଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
