ରାଜ୍ୟକୁ ଜିଏସଟି ଦେୟ ନେଇ ବାହାରି ପାରିଲାନି ନିଷ୍କର୍ସ

ନୂଆଦିଲ୍ଲୀ: କେନ୍ଦ୍ର ଏବଂ ରାଜ୍ୟ ମଧ୍ୟରେ ଜିଏସଟି ଦେୟ ନେଇ କୌଣସି ନିଷ୍କର୍ସ ବାହାରିପାରିନି। ସୋମବାର ଏ ସଂକ୍ରାନ୍ତରେ ଜିଏସଟି ପରିଷଦ ବୈଠକ ବସିଥିଲା ଯାହା ବିନା ନିଷ୍କର୍ସରେ ଶେଷ ହୋଇଛି। ଅର୍ଥମନ୍ତ୍ରୀ ନିର୍ମଳା ସୀତାରମଣ ଏ ନେଇ ସୂଚନା ଦେଇଛନ୍ତି। ଜିଏସଟି ଦେୟକୁ ନେଇ ରାଜ୍ୟ କର୍ତ୍ତୃପକ୍ଷ ଏବଂ କେନ୍ଦ୍ର ମଧ୍ୟରେ ଦୀର୍ଘ ଦିନ ଧରି ବିବାଦ ଲାଗି ରହିଛି, ଏହି ବୈଠକରେ ଏହି ପ୍ରସଙ୍ଗରେ ଆଲୋଚନା ହୋଇଥିଲା। ହେଲେ କୌଣସି ନିଷ୍କର୍ସ ବାହାରି ପାରିନି।

https://twitter.com/PIBMumbai/status/1315688471646797826

https://twitter.com/nsitharamanoffc/status/1315688066346971136

ନିର୍ମଳା ସୀତାରମଣ କିନ୍ତୁ ଏହି ୪୨ ତମ ଜିଏସଟି ପରିଷଦ ବୈଠକକୁ ଉପଯୋଗୀ ବୋଲି କହିଛନ୍ତି। ସେ କହିଛନ୍ତି ଯେ ଏହି ବୈଠକରେ ପ୍ରତ୍ୟେକ ରାଜ୍ୟ ସହ ଆଲୋଚନା କରାଯାଇଛି। ପରିଷଦ କେତେକ ନିର୍ଦ୍ଦିଷ୍ଟ ବିଷୟ ଉପରେ ସ୍ପଷ୍ଟୀକରଣ ଦେଇ ସେ କହିଛନ୍ତି ଯେ ରାଜ୍ୟଗୁଡ଼ିକର ଦେୟକୁ କ୍ଷତିପୂରଣ ଦେବା ପାଇଁ ସେସ୍ ସଂଗ୍ରହ ଯଥେଷ୍ଟ ନୁହେଁ।

ଜିଏସଟି ପରିଷଦର ବୈଠକ ପରେ ଅର୍ଥମନ୍ତ୍ରୀ କହିଛନ୍ତି ଯେ ରାଜ୍ୟଗୁଡିକର ଜିଏସଟି ରାଜସ୍ୱ ହ୍ରାସ ପାଇଁ କ୍ଷତିପୂରଣ ଦେବା ପାଇଁ ମୋଡାଲୀ ସମ୍ପର୍କରେ ସହମତି ହୋଇପାରି ନାହିଁ। ଆଜି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଅନୁଷ୍ଠିତ ରାଜ୍ୟ ଅର୍ଥମନ୍ତ୍ରୀ ପରିଷଦ କ୍ରମାଗତ ତୃତୀୟ ଥର ପାଇଁ ଜିଏସଟି ରାଜସ୍ୱ ହ୍ରାସ ପାଇଁ କ୍ଷତିପୂରଣ ଉପରେ ଆଲୋଚନା ହୋଇଥିଲା। ବିରୋଧୀ ଦଳ ଦ୍ୱାରା ଶାସିତ କେତେକ ରାଜ୍ୟ ପରାମର୍ଶ ଦେଉଛନ୍ତି ଯେ ଏହି ପ୍ରସଙ୍ଗରେ ଏକମତ ହେବା ପାଇଁ ଏକ ମନ୍ତ୍ରୀ କମିଟି ଗଠନ କରାଯାଉ।

ତେବେ ବିଜେପି ଶାସିତ ରାଜ୍ୟଗୁଡିକ ଋଣ ନେବାକୁ ନେଇ ଦିଆଯାଇଥିବା ବିକଳ୍ପ ଉପରେ କେନ୍ଦ୍ର ସହ ସହମତି ପ୍ରକାଶ କରି ସାରିଛନ୍ତି ପୂର୍ବରୁ। ବିଜେପି ଶାସିତ ରାଜ୍ୟ ସରକାର ବିଶ୍ୱାସ କରୁଛନ୍ତି ଯେ ସେମାନଙ୍କୁ ବର୍ତ୍ତମାନ ଋଣ ନେବାକୁ ଅନୁମତି ଦିଆଯିବା ଉଚିତ। ଯାହା ଦ୍ୱାରା ସେମାନେ ଶୀଘ୍ର ପାଣ୍ଠି ପାଇପାରିବେ।

ଚଳିତ ଆର୍ଥିକ ବର୍ଷରେ ଜିଏସଟି କ୍ଷତିପୂରଣ ରାଜସ୍ୱ ୨.୩୫ ଲକ୍ଷ କୋଟି ଟଙ୍କା ହ୍ରାସ ପାଇବ ବୋଲି ଆଶା କରାଯାଉଛି। ଅଗଷ୍ଟରେ କେନ୍ଦ୍ର ସରକାର ଦୁଇଟି ବିକଳ୍ପ ଦେଇଛନ୍ତି। ପ୍ରଥମ ବିକଳ୍ପ ଅନୁଯାୟୀ, ରିଜର୍ଭ ବ୍ୟାଙ୍କ ଦ୍ୱାରା ୯୭ ହଜାର କୋଟି ଟଙ୍କା ଋଣ ପାଇଁ ସ୍ୱତନ୍ତ୍ର ସୁବିଧା ପ୍ରଦାନ କରିବାକୁ ପ୍ରସ୍ତାବ ଦିଆଯାଇଛି ଏବଂ ଦ୍ୱିତୀୟ ବିକଳ୍ପ ଅନୁଯାୟୀ ବଜାରରୁ ମୋଟ୍ ୨.୩୫ ଲକ୍ଷ କୋଟି ଟଙ୍କା ସଂଗ୍ରହ କରିବାକୁ ପ୍ରସ୍ତାବ ଦିଆଯାଇଛି।