ଭାରତରେ ବୃଦ୍ଧି ପାଉଛି ବାର୍ଷିକ ୧୦ କୋଟିରୁ ଅଧିକ ଆୟ କରୁଥିବା ଲୋକଙ୍କ ସଂଖ୍ୟା। ଗତ ୫ ବର୍ଷ ମଧ୍ୟରେ ଏହି ସଂଖ୍ୟା ୬୩% ବୃଦ୍ଧି ଘଟିଥିବା ସେଣ୍ଟ୍ରମ୍ ଇନଷ୍ଟିଚ୍ୟୁସନାଲ ରିସର୍ଚ୍ଚ ରିପୋର୍ଟ କରିଛି।
ରିପୋର୍ଟ ଅନୁସାରେ, ଭାରତରେ ପ୍ରାୟ ୩୧ ହଜାର ୮୦୦ ଜଣ ଲୋକ ବାର୍ଷିକ ୧୦ କୋଟିରୁ ଅଧିକ ରୋଜଗାର କରନ୍ତି। ଏହି ସଂଖ୍ୟା ଗତ ପାଞ୍ଚ ବର୍ଷ ମଧ୍ୟରେ ୬୩% ବୃଦ୍ଧି ପାଇଛି। ସେହିପରି ବର୍ଷକୁ ୫ କୋଟିରୁ ଅଧିକ ରୋଜଗାର କରୁଥିବା ବ୍ୟକ୍ତିଙ୍କ ସଂଖ୍ୟା ୪୯% ବୃଦ୍ଧି ଘଟି ୫୮ ହଜାର ୨୦୦ରେ ପହଞ୍ଚି ଥିବାବେଳେ ୫୦ ଲକ୍ଷରୁ ଅଧିକ ରୋଜଗାର କରୁଥିବା ଲୋକଙ୍କ ସଂଖ୍ୟା ୨୫% ବୃଦ୍ଧି ପାଇ ୧୦ ଲକ୍ଷରେ ପହଞ୍ଚିଛି।
Also Read
ରିପୋର୍ଟରେ ଆହୁରି କୁହାଯାଇଛି ଯେ, ଆର୍ଥିକ ବର୍ଷ ୨୦୧୯ରୁ ୨୦୨୪ ମଧ୍ୟରେ ବର୍ଷକୁ ୫୦ ଲକ୍ଷରୁ ଅଧିକ ରୋଜଗାର କରୁଥିବା ଲୋକଙ୍କ ମୋଟ ଆୟ ୬୪% ବୃଦ୍ଧି ହୋଇ ୪୯ ଲକ୍ଷ କୋଟିରେ ପହଞ୍ଚିଛି। ସେହିପରି ଏହି ପାଞ୍ଚ ବର୍ଷ ମଧ୍ୟରେ ୧୦ କୋଟିରୁ ଅଧିକ ରୋଜଗାର କରୁଥିବା ଲୋକଙ୍କ ମୋଟ ଆୟ ୧୨୧% ବୃଦ୍ଧି ପାଇ ୩୮ ଲକ୍ଷ କୋଟିରେ ପହଞ୍ଚି ଥିବାବେଳେ ୫ କୋଟିରୁ ଅଧିକ ରୋଜଗାର କରୁଥିବା ଲୋକଙ୍କ ଆୟ ୧୦୬% ବୃଦ୍ଧି ପାଇ ୪୦ ଲକ୍ଷ କୋଟି ଟଙ୍କା ହୋଇଛି।
ରିପୋର୍ଟକୁ ଯଦି ଦେଖିବା ୫୦ ଲକ୍ଷ ଟଙ୍କାରୁ ଅଧିକ ରୋଜଗାର କରୁଥିବା ବ୍ୟକ୍ତିଙ୍କ ସଂଖ୍ୟା ୨୫% ବୃଦ୍ଧି ହୋଇ ପ୍ରାୟ ୧୦ ଲକ୍ଷରେ ପହଞ୍ଚିଛି।
ଇନଷ୍ଟିଚ୍ୟୁସନାଲ ରିସର୍ଚ୍ଚ ରିପୋର୍ଟ ପୂର୍ବାନୁମାନ କରିଛି ଯେ, ଭାରତରେ ଆଗକୁ ହାଇ ନେଟ୍ ୱର୍ଥ (HNI) ଏବଂ ଅଲ୍ଟ୍ରା ହାଇ ନେଟ୍ ୱର୍ଥ ବ୍ୟକ୍ତିବିଶେଷ (UHNI)ଙ୍କ ମିଳିତ ସମ୍ପତ୍ତି ହାରରେ ମଧ୍ୟ ବୃଦ୍ଧି ଘଟିବ। ୨୦୨୩ରେ ଏହା ୧.୨ ଲକ୍ଷ କୋଟି ଡଲାର ଥିବାବେଳେ ୨୦୨୮ ସୁଦ୍ଧା ୨.୨ ଲକ୍ଷ କୋଟି ଡଲାରକୁ ବୃଦ୍ଧି ପାଇବ। ଏହି ଉନ୍ନତି ହାର ବାର୍ଷିକ ୧୩-୧୪% ବୃଦ୍ଧି ପାଇବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
