ନୂଆଦିଲ୍ଲୀ: ଓପୋ ରେନୋ ୫ ସିରିଜର ଦୁଇଟି ସ୍ମାର୍ଟଫୋନ୍ ଲଞ୍ଚ କରିଛି। ଗୋଟିଏ ଓପୋ ରେନୋ ୫ (୫ଜି) ଏବଂ ଆଉ ଗୋଟିଏ ରେନୋ ୫ ପ୍ରୋ (୫ଜି)। ଏହି ଦୁଇଟି ମଡେଲ ଓପୋର ଘରୋଇ ବଜାର ଚାଇନାରେ ଲଞ୍ଚ ହୋଇଛି। ଓପୋର ଉଭୟ ସ୍ମାର୍ଟଫୋନରେ ଅକ୍ଟା-କୋର ପ୍ରୋସେସର୍, କ୍ୱାଡ୍ ରିୟର କ୍ୟାମେରା ସେଟଅପ୍ ଏବଂ ଫାଷ୍ଟ ଚାର୍ଜିଂ ସପୋର୍ଟ ଭଳି ଫିଚର୍ସ ରହିଛି।
ଓପୋ ରେନୋ୫ (୫ଜି) ଏବଂ ରେନୋ୫ ପ୍ରୋ (୫ଜି)ର ମୂଲ୍ୟ
ଓପୋ ବର୍ତ୍ତମାନ ଚାଇନାରେ ଏହି ଦୁଇଟି ରେନୋ ସିରିଜ୍ ସ୍ମାର୍ଟଫୋନ୍ ଲଞ୍ଚ କରିଛି। ଓପୋ ରେନୋ୫ (୫ଜି)ର ୮ଜିବି + ୧୨୮ଜିବି ଭାରିଆଣ୍ଟର ମୂଲ୍ୟ ୨,୬୯୯ ୟୁଆନ୍, ପ୍ରାୟ ୩୦,୪୦୦ ଟଙ୍କା ଏବଂ ୧୨ଜିବି + ୨୫୬ଜିବି ଭାରିଆଣ୍ଟର ମୂଲ୍ୟ ୨,୯୯୯ ୟୁଆନ୍, ପ୍ରାୟ ୩୩,୭୦୦ ଟଙ୍କା ରହିଛି।
ସେହିଭଳି ଓପୋ ରେନୋ୫ ପ୍ରୋ (୫ଜି) ମଧ୍ୟ ଦୁଇଟି ପ୍ରକାରରେ ପରିଚିତ ହୋଇଛି। ଏହାର ୮ଜିବି + ୧୨୮ଜିବି ଭାରିଆଣ୍ଟର ମୂଲ୍ୟ ୩,୩୯୯ ୟୁଆନ୍, ପ୍ରାୟ ୩୮,୨୦୦ ଟଙ୍କା ଏବଂ ୧୨ଜିବି + ୨୫୬ଜିବି ଭାରିଆଣ୍ଟର ମୂଲ୍ୟ ୩,୭୯୯ ୟୁଆନ୍, ପ୍ରାୟ ୪୨,୭୦୦ ଟଙ୍କା ରହିଛି। ଚାଇନାରେ ଏହି ଉଭୟ ସ୍ମାର୍ଟଫୋନର ବିକ୍ରି ଡିସେମ୍ବର ୧୮ରୁ ଆରମ୍ଭ ହେବ।
ଓପୋ ରେନୋ୫ (୫ଜି) ଏବଂ ରେନୋ୫ ପ୍ରୋ (୫ଜି)ର ଫିଚର୍ସ
ଓପୋ ରେନୋ୫ ୫ଜି ସ୍ମାର୍ଟଫୋନରେ ୬.୪୩ ଇଞ୍ଚର ପୂର୍ଣ୍ଣ HD + OLED ଡିସପ୍ଲେ, ସ୍ନାପଡ୍ରାଗନ୍ ୭୬୫ଜି ପ୍ରୋସେସର, ୧୨ ଜିବି ପର୍ଯ୍ୟନ୍ତ RAM ଏବଂ ୨୫୬ ଜିବି ଷ୍ଟୋରେଜ୍ ରହିଛି। ଫୋନ୍ ଆଣ୍ଡ୍ରଏଡ୍ ୧୧ ଉପରେ ଆଧାର କରି ColorOS ୧୧.୧ରେ କାମ କରେ।
ଏହା ସହିତ ଫୋନରେ କ୍ୱାଡ୍ ରିୟର କ୍ୟାମେରା ସେଟ୍ଅପ୍ ରହିଛି। ଏଥିମଧ୍ୟରେ ୬୪ ମେଗାପିକ୍ସେଲ ପ୍ରାଥମିକ ସେନସର ସହିତ ୮ ମେଗାପିକ୍ସେଲ ଏବଂ ଦୁଇଟି ୨ ମେଗାପିକ୍ସେଲ ସେନସର ମଧ୍ୟ ରହିଛି। ସେଲଫି ଏବଂ ଭିଡିଓ କଲିଂ ପାଇଁ ଆଗରେ ୩୨ ମେଗାପିକ୍ସେଲ କ୍ୟାମେରା ଯୋଗାଇ ଦିଆଯାଇଛି। ଏହି ଫୋନରେ ୪୩୦୦mAh ବ୍ୟାଟେରୀ ଅଛି, ଯାହା ୬୫ ୱାଟ ଫାଷ୍ଟ ଚାର୍ଜିଙ୍ଗରେ ଚାର୍ଜ ହେବ।
ଠିକ ସେହିଭଳି ଓପୋ ରେନୋ୫ ପ୍ରୋ ୫ଜେରେ ୬.୫୫ ଇଞ୍ଚ ଫୁଲ୍ HD + ଡିସପ୍ଲେ, ୯୦Hz ରିଫ୍ରେସ୍ ରେଟ୍, ମିଡିଆଟେକ୍ ଡାଇମେନସିଟି ୧୦୦୦+, ୧୨ ଜିବି ପର୍ଯ୍ୟନ୍ତ RAM ଏବଂ ୨୫୬ ଜିବି ଷ୍ଟୋରେଜ୍ ଅଛି। ଏହି ଫୋନ୍ ଆଣ୍ଡ୍ରଏଡ୍ ୧୧ ଉପରେ ଆଧାର କରି ColorOS ୧୧.୧ରେ କାମ କରେ।
ଏହି ଫୋନରେ ଚାରିଟି ପଛ କ୍ୟାମେରା ଦିଆଯାଇଛି। ଏଥିମଧ୍ୟରେ ୬୪ ମେଗାପିକ୍ସେଲ, ୮ ମେଗାପିକ୍ସେଲ, ୨ ମେଗାପିକ୍ସେଲ ଏବଂ ୨ ମେଗାପିକ୍ସେଲ ସେନସର ରହିଛି। ସେଲଫି ପାଇଁ ଏହି ଫୋନରେ ୩୨ ମେଗାପିକ୍ସେଲର ସାମ୍ନା କ୍ୟାମେରା ଅଛି। ଓପୋର ଏହି ୫ଜି ଫୋନରେ ୪୩୫୦mAh ବ୍ୟାଟେରୀ ଅଛି, ଯାହା ୬୫W ଫାଷ୍ଟ ଚାର୍ଜିଙ୍ଗରେ ଚାର୍ଜ ହୁଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
