ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତା ୬ତାରିଖରେ ଭିଡିଓ କନଫରେନ୍ସିଂ ମାଧ୍ୟମରେ ଓଡ଼ିଶାର ୨୫ଟି ରେଳ ଷ୍ଟେସନର ପୁନଃନିର୍ମାଣର ଶିଳାନ୍ୟାସ କରିବେ । ଅମୃତ ଭାରତ ଷ୍ଟେସନ ଯୋଜନାରେ ଏହି ଷ୍ଟେସନଗୁଡ଼ିକର ଆଧୁନୀକରଣ ଓ ପୁନଃନିର୍ମାଣ କରାଯାଉଛି । ଓଡ଼ିଶାର ୨୫ଟି ସମେତ ସମଗ୍ର ଦେଶର ୨୬ଟି ରାଜ୍ୟର ମୋଟ ୫୦୮ଟି ଷ୍ଟେସନର ପୁନଃନିର୍ମାଣ ପାଇଁ ୨୪୪୭୦କୋଟି ଟଙ୍କାରୁ ଅଧିକ ବ୍ୟୟବରାଦ କରାଯାଇଛି ।
ପୂର୍ବତଟ ରେଳବାଇ ସୂତ୍ରରୁ ଜଣାପଡ଼ିଛି ଯେ, ଓଡ଼ିଶାର ଯେଉଁ ୨୫ଟି ଷ୍ଟେସନର ଭିତ୍ତିପ୍ରସ୍ତର ପ୍ରଧାନମନ୍ତ୍ରୀ ମୋଦି କରିବେ ସେଗୁଡ଼ିକ ହେଲା- ସାକ୍ଷୀଗୋପାଳ, ମଂଚେଶ୍ୱର, ଢେଙ୍କାନାଳ, ଛତ୍ରପୁର, ଅନୁଗୋଳ, ପଲାସା, ମେରାମୁଣ୍ଡଳୀ, ବାଲୁଗାଁ, ଲିଙ୍ଗରାଜ ମନ୍ଦିର ରୋଡ୍, ତାଳଚେର ରୋଡ୍ , ଖୋର୍ଦ୍ଧା ରୋଡ୍, କଂଟାବାଞ୍ଜି, ବରଗଡ଼ ରୋଡ୍, ହୀରକୁଦ, ରେଢ଼ାଖୋଲ, ବରପାଲି, ମୁନିଗୁଡ଼ିା, ବଲାଙ୍ଗିର, ହରିଶଙ୍କର ରୋଡ୍, ମହାସାମୁଣ୍ଡ, ଭବାନୀପାଟଣା, ଖଡ଼ିଆର ରୋଡ୍ , ବିଜୟନଗରମ, ଦୁଭୁଦା ଓ ଦାମନଯୋଡ଼ି ଷ୍ଟେସନ ରହିଛି ।
Also Read
ସୂଚନାଯୋଗ୍ୟ, ଏବେସୁଦ୍ଧା ‘ଅମୃତ ଭାରତ ଷ୍ଟେସନ’ ଯୋଜନାରେ ମୋଟ ୧୩୦୯ଟି ରେଳଷ୍ଟେସନର ପୁନଃନିର୍ମାଣ ପାଇଁ ଚିହ୍ନଟ କରାଯାଇଥିବାବେଳେ ସେଥିରୁ ଓଡ଼ିଶାର ୫୭ଟି ରେଳଷ୍ଟେସନ ରହିଛି ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
