ନୂଆଦିଲ୍ଲୀ: ଭାରତରେ ଶାଓମିର ପ୍ରଥମ ୬୪ ମେଗାପିକ୍ସେଲ ବାଲା ଫୋନ୍ Redmi Note 8 Proର ବିକ୍ରି ଆଜିଠୁ ଆରମ୍ଭ ହୋଇଯାଇଛି। ଏହି ଫୋନ୍ଟି ଗତ ଅକ୍ଟୋବର ୧୬ରେ ଲଞ୍ଚ୍ ହୋଇଥିଲା। ଆଜି ଦିନ ୧୨ଟାରୁ ଏହାର ବିକ୍ରି ଆରମ୍ଭ ହୋଇଛି। ଗ୍ରାହକ ଏହାକୁ ଆମାଜନ୍ ଇଣ୍ଡିଆ ଓ ଶାଓମିର ଅଫିସିଆଲ୍ ସାଇଟ୍ରୁ କିଣିପାରିବେ।
Redmi Note 8 Proର ୬ ଜିବି ରାମ୍ ଓ ୬୪ ଜିବି ଷ୍ଟୋରେଜର ମୂଲ୍ୟ ୧୪ ହଜାର ୯୯୯ ଟଙ୍କା, ୬ଜିବି ରାମ୍ ଓ ୧୨୮ ଜିବି ଷ୍ଟୋରେଜର ମୂଲ୍ୟ ୧୫ ହଜାର ୯୯୯ ଟଙ୍କା ଏବଂ ୮ଜିବି ରାମ୍ ଓ ୧୨୮ଜିବି ଷ୍ଟୋରେଜର ମୂଲ୍ୟ ୧୭ ହଜାର ୯୯୯ ଟଙ୍କା ରଖାଯାଇଛି।
ଏଥିରେ ସେଲ୍ ଅଫର୍ ମଧ୍ୟ ରହିଛି। ଯଦି ଆପଣ ଆକ୍ସିସ୍ ବ୍ୟାଙ୍କର କ୍ରେଡିଟ୍ କିମ୍ବା ଡେବିଟ୍ କାର୍ଡ଼ରେ ଫୋନ୍ଟିକୁ କିଣିବେ, ତା’ହେଲେ ଆପଣଙ୍କୁ ୧୦ ପ୍ରତିଶତ ଡିସ୍କାଉଣ୍ଟ୍ ମିଳିବ। ସେହିଭଳି ଏୟାରଟେଲ୍ ତରଫରୁ ୨୪୯ ଟଙ୍କା ଓ ୩୪୯ ଟଙ୍କା ବାଲା ପ୍ଲାନ୍ରେ ଡବଲ ଡାଟା ଅଫର୍ ଦିଆଯିବ। ଏଥିସହ ଗ୍ରାହକଙ୍କୁ ଏହି ଫୋନ୍ରେ ନୋ କଷ୍ଟ EMର ଲାଭ ମଧ୍ୟ ମିଳିବ।
ଡିସ୍ପ୍ଲେ ସାଇଜ୍: ୬.୫୩ ଇଞ୍ଚ୍
ଡିସ୍ପ୍ଲେ ଟାଇପ୍: ଫୁଲ୍ ଏଚ୍ଡି ଡିସ୍ପ୍ଲେ, 1080×2340 ପିକ୍ସେଲ୍
ଆଣ୍ଡ୍ରଏଡ୍ ଭର୍ସନ: ଆଣ୍ଡ୍ରଏଡ୍ 9 ପାଇ
ପ୍ରୋସେସର୍: ମିଡିଆଟେକ୍ ହିଲିଓ G90T
ରାମ୍: 6 GB/ 8GB
ଷ୍ଟୋରେଜ୍: 64 GB/ 128 GB
କଲର ଅପ୍ସନ୍: ହାଲୋ ହ୍ୱାଇଟ୍, ଗାମା ଗ୍ରୀନ୍ ଓ ଶାଡୋ ବ୍ଲାକ୍
ରିୟର କ୍ୟାମେରା: 64MP+8MP+2MP+2MP
ଫ୍ରଣ୍ଟକ୍ୟାମେରା: 20 MP
ବ୍ୟାଟେରୀ: 4500mAhର ବ୍ୟାଟେରୀ ସହ ୧୮ ୱାଟ୍ର ଫାଷ୍ଟ ଚାର୍ଜିଂ ସପୋର୍ଟ