ମୋବାଇଲ୍ ଉପଭୋକ୍ତାଙ୍କ ପାଇଁ ବଡ଼ ଆଶ୍ୱସ୍ତି। ଟାରିଫ୍ ନିୟମରେ ସଂଶୋଧନ ଆଣିଲା TRAI। ପୁଣି ଚାଲିବ ୧୦ ଟଙ୍କିଆ ରିଚାର୍ଜ କୁପନ୍। ଟେଲିକମ୍ କମ୍ପାନୀମାନଙ୍କୁ ଅତି କମରେ ୧୦ ଟଙ୍କିଆ ଟପ୍ ଅପ୍ ରିଚାର୍ଜ ଭାଉଚର ରଖିବାକୁ ପଡ଼ିବ।
ଭଏସ୍ କଲ୍ ଓ SMS ପାଇଁ ସ୍ପେସାଲ୍ ଟାରିଫ୍ ଭାଉଚର ରଖିବେ। ଟେଲିକମ୍ କନଜୁମର ପ୍ରୋଟେକସନ ରେଗୁଲେସନ୍ ଓ ଟେଲିକମ୍ୟୁନିକେସନ୍ ଟାରିଫ ନିୟମରେ ସଂଶୋଧନ କରିଛି TRAI। ନୂଆ ନିୟମରେ ମୋବାଇଲ୍ ଡାଟା ବ୍ୟବହାର କରୁ ନଥିବା ଉପଭୋକ୍ତାଙ୍କ ପାଇଁ କଲ୍ ଓ ଏସଏମଏସ୍ ପାଇଁ ସ୍ପେଶାଲ୍ ପ୍ଲାନ୍ ଆଣିବାକୁ ଟେଲିକମ୍ କମ୍ପାନୀଙ୍କୁ ନିର୍ଦ୍ଦେଶ ରହିଛି।
ଏହାଦ୍ୱାରା ଡାଟା ବ୍ୟବହାର କରୁ ନଥିବା ବୟସ୍କ ଓ ବିଶେଷ କରି ଗ୍ରାମାଞ୍ଚଳରେ ସ୍ମାର୍ଟଫୋନ୍ ବ୍ୟବହାର ଜାଣି ନଥିବା ମୋବାଇଲ୍ ଉପଭୋକ୍ତା ଫାଇଦା ପାଇବେ। ସେହିପରି ସ୍ପେଶାଲ୍ ରିଚାର୍ଜ କୁପନ୍ ଅବଧିକୁ ୯୦ ଦିନରୁ ବର୍ଷେ ପାଇଁ ବୃଦ୍ଧି କରାଯାଇଛି।