ନୂଆଦିଲ୍ଲୀ: ଘରୋଇ ଷ୍ଟକ ମାର୍କେଟରେ ଆଜି ଇତିହାସ ସୃଷ୍ଟି ହୋଇଛି। ପ୍ରଥମଥର ପାଇଁ ବିଏସ୍ଇ ସେନସେକ୍ସ ୬୦ ହଜାର ପଏଣ୍ଟ ଅତିକ୍ରମ କରିଛି। ସେହିପରି ନ୍ୟାସନାଲ ଷ୍ଟକ୍ ଏକ୍ସଚେଞ୍ଜର ନିଫ୍ଟି ମଧ୍ୟ ୧୭୯୧୬.୩୦କୁ ବୃଦ୍ଧି ପାଇ ନୂଆ ରେକର୍ଡ ସୃଷ୍ଟି କରିଛି। ପ୍ରାରମ୍ଭିକ କାରବାରରେ ବ୍ୟାଙ୍କ ଓ ଆଇଟି ସେକ୍ଟରର ଶେୟାର ବୃଦ୍ଧି ହୋଇଛି।
ସବୁଠାରୁ ବଡ଼ ଫାଇଦା ପାଇଛି ଇନଫୋସିସ୍। ଏହାର ଶେୟାର ମୂଲ୍ୟ ହଠାତ୍ ବଢ଼ି ଯାଇଛି। ଏହାବାଦ ଏଚଡିଏଫସି ବ୍ୟାଙ୍କ, ଟାଟା କନସଲଟାନ୍ସି ସର୍ଭିସ, ଆଇସିଆଇସିଆଇ ବ୍ୟାଙ୍କ, ଏଚସିଏଲ ଟେକ୍ନୋଲଜି ଭଳି କମ୍ପାନୀ ଲାଭ ପାଇଛନ୍ତି। ଆଜି ସେନସେକ୍ସ ୪୨୭ ପଏଣ୍ଟ ବୃଦ୍ଧି ପାଇ ରେକର୍ଡ ୬୦,୩୧୨.୫୧ ଓ ନିଫ୍ଟ ୫୦ ଇଣ୍ଡେକ୍ସ ବଢ଼ି ସର୍ବକାଳୀନ ରେକର୍ଡ ୧୭,୯୪୭ରେ ପହଞ୍ଚିଛି।
ସକାଳ ୯.୨୫ ସୁଦ୍ଧା ସେନସେକ୍ସ ୨୭୮ ପଏଣ୍ଟ ବଢ଼ି ୬୦,୧୬୩ ଓ ନିଫ୍ଟ ୫୦ ଇଣ୍ଡେକ୍ସ ୧୦୯ ପଏଣ୍ଟ ବଢ଼ି ୧୭,୯୩୨ରେ ରହିଥିଲା।
Congratulations India. To celebrate @SENSEX_BSE at 60,000, We meet virtually at physical cake cutting ceremony outside of Bullgate at BSE today at 4 pm. Please be virtual and follow the COVID protocol. @PMOIndia @FinMinIndia @nsitharaman pic.twitter.com/WYVgSesA28
— Ashish Chauhan (@ashishchauhan) September 24, 2021
ସୁଧ ହାର ବୃଦ୍ଧି ଓ ଡଲାରର ମୂଲ୍ୟ ମାସକ ମଧ୍ୟରେ ସବୁଠାରୁ ଉଚ୍ଚରେ ରହିବା ଯୋଗୁ ଏହା ପ୍ରଭାବ ଆଜି ଷ୍ଟକ ମାର୍କେଟ ଉପରେ ପଡ଼ିଛି। ଏହି କାରଣରୁ ସେନସେକ୍ସ ଓ ନିଫ୍ଟରେ ଏପରି ଅଭିବୃଦ୍ଧି ଘଟିଥିବା କୁହାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
