ସବସିଡି ରହିତ ଗ୍ୟାସ୍ ସିଲିଣ୍ଡର ଦର ୨୭.୫୦ ଟଙ୍କା ବଢ଼ିଲା

ନୂଆଦିଲ୍ଲୀ: ପେଟ୍ରୋଲିୟମ୍ କଂପାନୀଗୁଡ଼ିକ ସବସିଡି ରହିତ ଗ୍ୟାସ୍ ସିଲିଣ୍ଡରର ଦର ୨୭ଟଙ୍କା ୫୦ ପଇସା କମାଇ ଦେଇଛନ୍ତି। ଅନ୍ୟପକ୍ଷରେ ବିମାନ ଇନ୍ଧନ କିଲୋଲିଟର ପ୍ରତି ୧୪୨.୫୬ ଟଙ୍କା ହ୍ରାସ କରିଛନ୍ତି।  ବୈଷୟିକ ଦୃଷ୍ଟିରୁ ଦରରେ ଏମିତି ଅଦଳବଦଳ କରାଯାଇଛି ବୋଲି କୁହାଯାଇଛି। ତୈଳ କଂପାନୀଗୁଡ଼ିକ ଦେଇଥିବା ସୂଚନା ମୁତାବକ ଏବେଠାରୁ ସବସିଡି ରହିତ ଗ୍ୟାସ୍ ସିଲିଣ୍ଡରର ମୂଲ୍ୟ ୫୪୫ ଟଙ୍କା ରହିବ। ଏହା ପୂର୍ବରୁ ଅକ୍ଟୋବର ୧ ତାରିଖରେ ସବସିଡି ରହିତ ଗ୍ୟାସ୍ ସିଲିଣ୍ଡରର ଦର ୪୨ ଟଙ୍କା ପର୍ଯ୍ୟନ୍ତ ହ୍ରାସ କରାଯାଇଥିଲା। ବିମାନ ଇନ୍ଧନରେ ମାତ୍ର ୦.୩ ପ୍ରତିଶତ ହ୍ରାସ କରାଯାଇଛି। ଏବେ ବିମାନ ଇନ୍ଧନର ମୂଲ୍ୟ କିଲୋଲିଟର ପ୍ରତି ୪୩,୦୪୧ ଟଙ୍କା ହୋଇଛି। ବିଭିନ୍ନ ବିମାନ ବନ୍ଦରରେ   ବିମାନ ଇନ୍ଧନର ଦର ସ୍ଥାନୀୟ ବିକ୍ରି କର ଅବା ଭାଟ୍ ଉପରେ ନିର୍ଭର କରିବ। ଏହା ପୂର୍ବରୁ ଅକ୍ଟୋବର ପହିଲାର ଏହାର ଦର କିଲୋଲିଟର ପ୍ରତି ୫.୫ ପ୍ରତିଶତ ବଢ଼ା ଯାଇଥିଲା। ଅର୍ଥାତ ବିମାନ ଇନ୍ଧନ ମୂଲ୍ୟ କିଲୋଲିଟର ପ୍ରତି ୨୨୪୫.୯୨ କରାଯାଇଥିଲା।