ଦେଶରେ ଆଇଟି ସେକ୍ଟରରେ କାମ କରୁଥିବା ସିଇଓଙ୍କ ମଧ୍ୟରୁ ସର୍ବାଧିକ ଦରମା ପାଉଛନ୍ତି ସି ବିଜୟକୁମାର। ଏକ ରିପୋର୍ଟ ଅନୁସାରେ ବିଜୟକୁମାରଙ୍କ ବାର୍ଷିକ ଦରମା 84 କୋଟି ଟଙ୍କାରୁ ଊର୍ଦ୍ଧ୍ୱ। ବିଜୟକୁମାର ହେଉଛନ୍ତି HCLTechର ସିଇଓ।
ଜୁଲାଇ 22ରେ କମ୍ପାନୀ ଦ୍ୱାରା ପ୍ରକାଶିତ ବାର୍ଷିକ ରିପୋର୍ଟ ଅନୁଯାୟୀ, 2024 ଆର୍ଥିକ ବର୍ଷରେ ବିଜୟକୁମାରଙ୍କ ଦରମା 84.16 କୋଟି ଟଙ୍କାକୁ ବୃଦ୍ଧି ପାଇଛି। ପୂର୍ବ ବର୍ଷ ତୁଳନାରେ 190.75 ପ୍ରତିଶତ ବୃଦ୍ଧି ଘଟିଛି। ଏହି ବୃଦ୍ଧ ସହ ବିଜୟକୁମାର ହେଉଛନ୍ତି ସର୍ବାଧିକ ଦରମା ପାଉଥିବା ସିଇଓ।
ଏହି ରିପୋର୍ଟରେ କମ୍ପାନୀ ଦ୍ୱାରା ଦିଆଯାଇଥିବା ମୌଳିକ ଦରମା(ବେସିକ୍ ସାଲାରି), ବୋନସ ଏବଂ ପ୍ରୋତ୍ସାହନ ରାଶି ମଧ୍ୟ ଅନ୍ତର୍ଭୁକ୍ତ।
କମ୍ପାନୀର ବାର୍ଷିକ ରିପୋର୍ଟରେ ଦର୍ଶାଯାଇଛି ଯେ, ବିଜୟକୁମାରଙ୍କ ବେସିକ୍ ସାଲାରୀ ପ୍ରାୟ 1.96 ମିଲିୟନ ଡ଼ଲାର ଅର୍ଥାତ 16.39 କୋଟି ଟଙ୍କା। ଏହା ସାଙ୍ଗକୁ 9.53 କୋଟି ଟଙ୍କା ବୋନସ୍ ଏବଂ 19.74 କୋଟି ଟଙ୍କାର ଲଙ୍ଗ ଟର୍ମ ଇନସେଣ୍ଟିଭ୍ (LTI) ପ୍ରଦାନ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।