ନୂଆଦିଲ୍ଲୀ: ଇନ୍ଷ୍ଟାଣ୍ଟ ମେସେଜିଂ ଆପ୍ ‘ହ୍ୱାଟ୍ସଆପ୍’ର ଲୋକପ୍ରିୟତା ଏବେ ବହୁତ ବଢ଼ିଗଲାଣି। ପାଖାପାଖି ୭୦ ପ୍ରତିଶତ ଲୋକ ଏହାର ବ୍ୟବହାର କରୁଛନ୍ତି। ତେବେ ‘ହ୍ୱାଟ୍ସଆପ୍’ ନିଜର ଉପଭୋକ୍ତାମାନଙ୍କ ପାଇଁ ଆଉ ଏକ ନୂଆ ସୁବିଧା ‘ହ୍ୱାଟ୍ସଆପ୍ ପେ’ ନେଇ ଆସିଛି। ବର୍ତ୍ତମାନ ଆପଣ ଏଥିରେ ଚ୍ୟାଟ୍ କରିବା ସହ ପେମେଣ୍ଟ ମଧ୍ୟ କରିପାରିବେ।
ବ୍ରାଜିଲ ପ୍ରଥମ ଦେଶ ଯେଉଁଠାରେ ହ୍ୱାଟ୍ସଆପ୍ ପେମେଣ୍ଟ ଲଞ୍ଚ୍ କରାଯାଇଛି। ଏକ ନୂଆ ପେମେଣ୍ଟ ଫିଚର ଜରିଆରେ କେବଳ ହ୍ୱାଟ୍ସଆପ୍ ଜରିଆରେ ୟୁଜର ପରସ୍ପରକୁ ଟଙ୍କା ପଠାଯାଇପାରିବେ। ଫେସବୁକ୍ ସିଇଓ ମାର୍କ ଜୁକରବର୍ଗ ଏକ ଫେସବୁକ୍ ପୋଷ୍ଟରେ କହିଛନ୍ତି ଯେ ଆମେ ବ୍ରାଜିଲବାସୀଙ୍କ ପାଇଁ ‘ହ୍ୱାଟ୍ସ ଆପ୍ ପେମେଣ୍ଟ ଆରମ୍ଭ କରୁଛୁ। ଫଟୋ ଶେଆର୍ କରିବା ପରି ଆମେ ଟଙ୍କା ପଠାଇବା ମଧ୍ୟ ସହଜ କରୁଛୁ। ଜୁକରବର୍ଗ ଏହା ମଧ୍ୟ କହିଛନ୍ତି ଯେ ହ୍ୱାଟ୍ସଆପ୍ ପେମେଣ୍ଟ ଆରମ୍ଭ ହେବା ପରେ ବର୍ତ୍ତମାନ ଛୋଟ ବ୍ୟବସାୟୀମାନେ ହ୍ୱାଟ୍ସଆପ୍ରୁ ସିଧାସଳଖ ବିକ୍ରି କରିପାରିବେ। ତାଙ୍କ ଅନୁଯାୟୀ, ହ୍ୱାଟ୍ସଆପ୍ ପେମେଣ୍ଟ ପାଇଁ ‘ଫେସବୁକ୍ ପେ’ ପ୍ରସ୍ତୁତ କରାଯାଉଛି, ଯାହା ଫେସବୁକ୍ର ସମସ୍ତ ଆପରେ ସୁରକ୍ଷିତ ପେମେଣ୍ଟର ବିକଳ୍ପ ପ୍ରଦାନ କରିବ।
ଭାରତରେ ହ୍ୱାଟ୍ସଆପ୍ ପେମେଣ୍ଟ ଫିଚର୍ ଲଞ୍ଚ୍ ହେବା ନେଇ ଦୀର୍ଘ ଦିନ ଧରି ଆଲୋଚନା ଚାଲିଛି, ୨୦୧୮ରୁ ଏହାକୁ ଟେଷ୍ଟିଂ ଭାବେ ବ୍ୟବହାର କରାଯାଉଛି। କିନ୍ତୁ କ୍ଲିୟରାନ୍ସ ଅଭାବରୁ ଏପର୍ଯ୍ୟନ୍ତ ଏହା ଅଫିସିଆଲ୍ ହୋଇପାରିଲାନାହିଁ। ଭାରତରେ ହ୍ୱାଟ୍ସଆପ୍ର ସର୍ବାଧିକ ଉପଭୋକ୍ତା ଅଛନ୍ତି ଏବଂ ଏହି କାରଣରୁ କମ୍ପାନୀ ଭାରତରେ ହ୍ୱାଟ୍ସଆପ୍ ପେମେଣ୍ଟ ଫିଚର୍ ଲଞ୍ଚ୍ କରିବାକୁ ମଧ୍ୟ ଚେଷ୍ଟା କରୁଛି। କିନ୍ତୁ ଡାଟା ଲୋକାଲାଇଜେସନ୍ ଏବଂ ପଲିସି ସମ୍ବନ୍ଧରେ ସରକାରଠୁ କ୍ଲିୟରାନ୍ସ ମିଳିପାରୁ ନାହିଁ।
ଗତ ବର୍ଷ ଯେତେବେଳେ ହ୍ୱାଟ୍ସଆପ୍ର ମୁଖ୍ୟ ୱିଲ୍ କ୍ୟାଥକାର୍ଟ ଭାରତ ଆସିଥିଲେ ସେ କହିଥିଲେ ଯେ ସରକାରଙ୍କ ଅନୁମତି ନେବା ପ୍ରକ୍ରିୟା ପ୍ରାୟ ଶେଷ ହୋଇଛି। ତେବେ ବର୍ତ୍ତମାନ ଭାରତରେ ହ୍ୱାଟ୍ସଆପ୍ରେ ପେମେଣ୍ଟ ଫିଚର୍ କେବେ ଲଞ୍ଚ ହେବ ତାହା ଦେଖିବା ମଜାଦାର ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
