ଭୁବନେଶ୍ୱର (ଓଡ଼ିଶା ରିପୋର୍ଟର): କରୋନାରେ ଆକ୍ରାନ୍ତ ହୋଇ ରାଜ୍ୟରେ ଆଉ ୫ ଜଣଙ୍କ ମୃତ୍ୟୁ ଘଟିଛି। ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି। ଏହା ସହିତ ରାଜ୍ୟରେ କରୋନା ଜନିତ ମୃତ୍ୟୁ ସଂଖ୍ୟା ୧,୭୯୪ରେ ପହଞ୍ଚି ଯାଇଛି।
ପ୍ରାଣ ହରାଇଥିବା ଏହି ୫ ଜଣଙ୍କ ମଧ୍ୟରେ ଦୁଇ ଜଣ ମହିଳା ଅଛନ୍ତି। ସେମାନଙ୍କ ଘର ଯଥାକ୍ରମେ ବଲାଙ୍ଗିର ଓ ମୟୂରଭଞ୍ଜର। ଉଭୟଙ୍କୁ ୭୦ ବର୍ଷ ହୋଇଥିଲା। ଜଣଙ୍କର କିଡ୍ନୀ ସମସ୍ୟା ଥିଲା।
ସେହିପରି ୩ ପୁରୁଷଙ୍କ ମଧ୍ୟରୁ ଜଣେ ଖୋର୍ଦ୍ଧାର। ତାଙ୍କୁ ୫୩ ବର୍ଷ ହୋଇଥିଲା। ସେ ଡାଇବେଟିସ୍ ସହିତ ହୃଦ୍ରୋଗରେ ପୀଡ଼ିତ ଥିଲେ। କେନ୍ଦୁଝରର ଜଣେ ୭୦ ବର୍ଷର ବୃଦ୍ଧଙ୍କ ମୃତ୍ୟୁ ଘଟିଥିବା ବେଳେ ତାଙ୍କର ଡାଇବେଟିସ୍ ଓ ରକ୍ତଚାପ ସମସ୍ୟା ମଧ୍ୟ ଥିଲା। ସୁନ୍ଦରଗଡ଼ରେ ଯେଉଁ ବୃଦ୍ଧଙ୍କ ମୃତ୍ୟୁ ଘଟିଛି, ତାଙ୍କୁ ୬୬ ବର୍ଷ ହୋଇଥିଲା। ତାଙ୍କ କିଡ୍ନୀରେ ବି ସମସ୍ୟା ଥିଲା। ତା’ସହିତ ସେ ଡାଇବେଟିସ୍ ଓ ଉଚ୍ଚରକ୍ତଚାପରେ ପୀଡ଼ିତ ଥିଲେ।
ଆଉ ଜଣଙ୍କ ମୃତ୍ୟୁ ସହିତ ଖୋର୍ଦ୍ଧା ଜିଲ୍ଲାରେ କରୋନା ଜନିତ ମୃତ୍ୟୁ ସଂଖ୍ୟା ୩୦୭ରେ ପହଞ୍ଚିଯାଇଛି। ବଲାଙ୍ଗିରରେ ଏହି ସଂଖ୍ୟା ୩୭ରେ ପହଞ୍ଚିଥିବା ବେଳେ କେନ୍ଦୁଝରରେ ୩୫, ମୟୂରଭଞ୍ଜରେ ୮୨ ଓ ସୁନ୍ଦରଗଡ଼ରେ ୧୫୨ରେ ପହଞ୍ଚି ଯାଇଛି।
ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ୱେବ୍ସାଇଟ୍ରେ ଦିଆଯାଇଥିବା ସୂଚନା ଅନୁଯାୟୀ ଏଯାବତ୍ କରୋନା ଯୋଗୁ ଅନୁଗୋଳ ଜିଲ୍ଲାରେ ୩୬ ଜଣଙ୍କ ମୃତ୍ୟୁ ଘଟିଥିବା ବେଳେ ବାଲେଶ୍ୱରରେ ୮୭, ବରଗଡ଼ରେ ୩୯, ଭଦ୍ରକରେ ୨୪, ବୌଦ୍ଧରେ ୧୧, କଟକରେ ୧୩୭, ଦେବଗଡ଼ରେ ୫, ଢେଙ୍କାନାଳରେ ୨୭, ଗଜପତିରେ ୩୨, ଗଞ୍ଜାମରେ ୨୪୫, ଜଗତସିଂହପୁରରେ ୩୪, ଯାଜପୁରରେ ୨୪, ଝାରସୁଗୁଡ଼ାରେ ୨୫, କଳାହାଣ୍ଡିରେ ୨୬, କନ୍ଧମାଳରେ ୩୩, କେନ୍ଦ୍ରାପଡ଼ାରେ ୨୭, କୋରାପୁଟରେ ୧୬, ମାଲକାନଗିରିରେ ୨୨, ନବରଙ୍ଗପୁରରେ ୧୩, ନୟାଗଡ଼ରେ ୪୪, ନୂଆପଡ଼ାରେ ୨୫, ପୁରୀରେ ୧୧୦, ରାୟଗଡ଼ାରେ ୪୪, ସମ୍ବଲପୁରରେ ୭୪ ଓ ସୁବର୍ଣ୍ଣପୁର ଜିଲ୍ଲାରେ୨୧ ଜଣଙ୍କ ମୃତ୍ୟୁ ଘଟିଛି।
Regret to inform the demise of five numbers of Covid positive patients while under treatment in hospitals.
1.A 70-year-old female of Balangir district.
2.A 53-year-old male of Khordha district who was also suffering from Diabetes Mellitus & Rheumatic heart disease.
— H & FW Dept Odisha (@HFWOdisha) December 10, 2020
5.A 66-year-old male of Sundargarh district who was also suffering from Chronic Kidney Disease, Diabetes Mellitus & Hypertension.
— H & FW Dept Odisha (@HFWOdisha) December 10, 2020
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
