ଫେରାର୍ ପରେ ମୃତ ସନ୍ଦେହ କରାଯାଉଥିବା ବ୍ୟକ୍ତି ଜୀବିତ ଠାବ ହୋଇଛନ୍ତି। ଅପରାଧ ଘଟାଇ ଫେରାର୍ ହୋଇଯାଇଥିବା ଅଭିଯୁକ୍ତ ଜୀବିତ ଥିବା ଜାଣିବାକୁ ପାଇଛି ପୁଲିସ। ପରିବାର ଲୋକଙ୍କ ସହ କୌଣସି ଯୋଗାଯୋଗ ନ ରଖି ଅତି ଚତୁରତାର ସହ ଦ୍ୱିତୀୟ ପତ୍ନୀ ଏବଂ ଚାରି ପିଲାଙ୍କ ସହ ରହୁଥିଲା। ଶେଷରେ ପାଞ୍ଚ ବର୍ଷ ପରେ ପୁଲିସ ସମ୍ପୃକ୍ତ ଅଭିଯୁକ୍ତର ସନ୍ଧାନ ପାଇଛି।
ସିଙ୍ଗୱାଲି ଆହିରର SHO(ଷ୍ଟେସନ ହାଉସ୍ ଅଫିସର) ଜିତେନ୍ଦ୍ର ସିଂହଙ୍କ କହିବା ଅନୁସାରେ, ୨୦୧୮ ମସିହାରେ ବାଘପତ ସିଙ୍ଗୱାଲି ଆହିରର ବାସିନ୍ଦା ଯୋଗେନ୍ଦ୍ର କୁମାର ଏବଂ ତା’ର ଦୁଇ ଭାଇଙ୍କ ନାମରେ କ୍ରିମିନାଲ କେସ୍ ଦାଖଲ କରାଯାଇଥିଲା। ସେମାନଙ୍କ ପଡ଼ୋଶୀ ଏତଲା ଦେବା ପରେ ଯୋଗେନ୍ଦ୍ର ଫେରାର୍ ହୋଇଯାଇଥିଲା। ବହୁ ଖୋଜାଖୋଜି କରିବା ସତ୍ତ୍ୱେ କୌଣସି ସନ୍ଧାନ ମିଳନଥିଲା।
Also Read
ପରିବାର ଲୋକେ ମଧ୍ୟ ପୁଅର ମୃତ୍ୟୁ ହୋଇଥିବା ସନ୍ଦେହ କରୁଥିଲେ। କିନ୍ତୁ ତାଙ୍କର ମୃତ୍ୟୁ ଘଟିଥିବା ନେଇ ପୁଲିସ ହାତରେ କୌଣସି ଠୋସ୍ ପ୍ରମାଣ ଲାଗି ନଥିଲା। କାରଣ ଅପରାଧ ଘଟାଇ ଫେରାର୍ ହୋଇଯାଇଥିବା ଯୋଗେନ୍ଦ୍ର ଅତି ଚତୁରତାର ସହ ନୂଆ ସଂସାର କରି ରହୁଥିଲା।
ପୁଲିସ କହିଛି ଯେ, ଦିଲ୍ଲୀର ରୋହିଣୀ ଅଞ୍ଚଳର ଜଣେ ମହିଳାଙ୍କ ସହ ଯୋଗେନ୍ଦ୍ରର ପରକୀୟା ପ୍ରୀତି ଥିଲା। ୨୦୧୮ରେ ତା' ବିରୁଦ୍ଧରେ ଥାନାରେ ଅଭିଯୋଗ ହେବା ପରେ ସେ ଫେରାର୍ ହୋଇ ସମ୍ପୃକ୍ତ ମହିଳାଙ୍କ ସହ ରହିଆସୁଛି। ତା'ର ଚାରିଟି ସନ୍ତାନ ମଧ୍ୟ ଅଛନ୍ତି। କିନ୍ତୁ ପାଞ୍ଚ ବର୍ଷ ମଧ୍ୟରେ ପରିବାର କିମ୍ବା ପ୍ରଥମ ପତ୍ନୀ ସହ କୌଣସି ଯୋଗାଯୋଗ କରି ନଥିଲା ଯୋଗେନ୍ଦ୍ର। ଫଳରେ ପରିବାର ଲୋକ ତାଙ୍କର ମୃତ୍ୟୁ ହୋଇଯାଇଥିବା ସନ୍ଦେହ କରୁଥିଲେ।
ଗତକାଲି ଯୋଗେନ୍ଦ୍ର ପୂର୍ବ ମାମଲାର ବେଲ୍ ପାଇଁ କୋର୍ଟରେ ଦ୍ୱାରସ୍ତ ହେବା ପରେ ପୂରା ଘଟଣା ସାମ୍ନାକୁ ଆସିଛି। ଦିଲ୍ଲୀର ରୋହିଣୀ ଅଞ୍ଚଳରେ ଟ୍ୟାକ୍ସି ଡ୍ରାଇଭର ଉତ୍ତର ପ୍ରଦେଶ ବାଘପତର ଯୋଗେନ୍ଦ୍ର କୁମାର ବୋଲି ସ୍ପଷ୍ଟ ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
