ଡକାୟତି ପାଇଁ ଯୋଜନା କରୁଥିଲେ, ମାଡ଼ି ବସିଲା ପୁଲିସ୍‌

ବିଳମ୍ବିତ ରାତିରେ ଡକାୟତି ପାଇଁ ଯୋଜନା କରୁଥିଲେ। ଖବର ପାଇଁ ଅଚାନକ ମାଡ଼ି ବସିଲା ପୁଲିସ୍‌। ଏପରି ଘଟଣା ଘଟିଛି ରାଜଧାନୀ ଭୁବନେଶ୍ୱରରେ।ପୁଲିସ ୪ଜଣ ଡକାୟତଙ୍କୁ ଗିରଫ କରିଛି।

ଗତକାଲି ବିଳମ୍ବିତ ରାତିରେ ଭୁବନେଶ୍ୱର ପୂର୍ବତଟ ରେଳପଥ ମୁଖ୍ୟ କାର୍ଯ୍ୟାଳୟ ଏବଂ ଓମଫେଡ୍ ମଝିରେ ଥିବା ଅନ୍ଧାରୁଆ ରାସ୍ତାରେ ଡକାୟତମାନେ
ସାଧାରଣ ଲୋକଙ୍କୁ ଲୁଟ୍ କରିବାକୁ ଯୋଜନା କରୁଥିବା କମିଶନରେଟ ପୁଲିସ କୌଣସି ସୂତ୍ରରୁ ଖବର ପାଇଥିଲା। ପରେ ପୁଲିସ ଘଟଣସ୍ଥଳରେ ଚଢ଼ାଉ କରିଥିଲା। ଅନ୍ଧକାରର ସୁଯୋଗ ନେଇ ଡକାୟତମାନେ ଚମ୍ପଟ ମାରିବାକୁ ଉଦ୍ୟମ କରିଥିଲେ। ହେଲେ ପୁଲିସ ୪ ଜଣ ଡକାୟତଙ୍କୁ କାବୁ କରିବାରେ ସଫଳ ହୋଇଥିଲା।

ଗିରଫ ୪ ଅଭିଯୁକ୍ତ ବାହାର ରାଜ୍ୟର ହୋଇଥିବାବେଳେ ସେମାନଙ୍କ ନାଁରେଏକାଧିକ ଅପରାଧିକ ମାମଲା ରହିଛି। ପୁଲିସ ୪ ଜଣଙ୍କୁ ଗିରଫ କରିବା ସହ ଏ ନେଇ ଅଧିକ ଖୋଳତାଡ଼ ଚଳାଇଛି।