ଅଙ୍ଗନବାଡ଼ି କେନ୍ଦ୍ର ଭିତରେ ପଶି ପିଲାଙ୍କୁ କାମୁଡ଼ିଲା ଶିଆଳ। ପିଲାଙ୍କୁ ଉଦ୍ଧାର କରିବାକୁ ଯାଇ ଗ୍ରାମବାସୀ ମଧ୍ୟ ଶିଆଳ ଆକ୍ରମଣରେ ଶିକାର ହୋଇଛନ୍ତି। ଶିଆଳ କାମୁଡ଼ାରେ ୪ ଶିଶୁ ସମେତ ୧୦ ଜଣ ଆହତ ହୋଇଛନ୍ତି। ଘଟଣା ଘଟିଛି ବାଲେଶ୍ୱର ଜିଲ୍ଲା ଖଇରା ଥାନା ଅନ୍ତର୍ଗତ ଡାଲଙ୍ଗ ଗାଁରେ ଥିବା ଅଙ୍ଗନବାଡ଼ି କେନ୍ଦ୍ରରେ। ସମସ୍ତ ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି।
ଆଜି ସକାଳେ ଏକ ଶିଆଳ ଅଙ୍ଗନବାଡି କେନ୍ଦ୍ରକୁ ପଶି ଆସିଥିଲା। ପିଲାମାନେ ଶିଆଳକୁ ଦେଖି ପାଟିତୁଣ୍ଡ କରିଥିଲେ। ପିଲାଙ୍କ ପାଟିତୁଣ୍ଡରେ ଶିଆଳଟି ଡରିଯାଇଥିଲା। ସେଠାରୁ ପଳାଇଯିବାକୁ ଚେଷ୍ଟା କରିଥିଲା। ତାହା ହାବୁଡରେ ଯେଉଁ ପିଲା ପଡ଼ିଥିଲେ ତାକୁ କାମୁଡ଼ିଥିଲା। ପାଟି ଶୁଣି ଗ୍ରାମବାସୀ ପିଲାମାଙ୍କୁ ଉଦ୍ଧାର କରିବା ପାଇଁ ଅଙ୍ଗନବାଡି କେନ୍ଦ୍ରରେ ପହଞ୍ଚିଥିଲେ। ଶିଆଳକୁ କାବୁ କରିବା ପାଇଁ ଗ୍ରାମବାସୀମାନେ ଚେଷ୍ଟା କରିଥିଲେ। ହେଲେ ଶିଆଳଟି ମଧ୍ୟ ଗ୍ରାମବାସୀଙ୍କୁ କାମୁଡ଼ିଥିଲା। ପରେ ଗ୍ରାମବାସୀ ଶିଆଳଟିକୁ କାବୁ କରିଥିଲେ। ଆହତ ଗ୍ରାମବାସୀ ଓ ଶିଶୁଙ୍କୁ ପ୍ରଥମେ ସୋର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ୫ ଜଣଙ୍କ ଅବସ୍ଥା ଗୁରୁତର ହେବାରୁ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି।
Also Read
ଶିଆଳଟିକୁ ଏକ ସ୍ଥାନରେ ବାନ୍ଧି ରଖାଯାଇଛି। ଏନେଇ ବନ ବିଭାଗକୁ ଖବର ଦିଆଯାଇଛି। ବନ ବିଭାଗ ପହଞ୍ଚିବା ପରେ ଶିଆଳଟିକୁ ହସ୍ତାନ୍ତର କରାଯିବ।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
