OR 
ପରିବାର ଲୋକଙ୍କୁ ମାଡ଼ କରି ତାଲା ପକାଇ ଘରେ କଳାକନା ବୁଲାଇ ଦେଲେ ଡକାୟତି ଦଳ। ଘରୁ ୨୫ ଭରିର ସୁନା ଅଳଙ୍କାର ଓ ଟଙ୍କା ପଇସା ନେଇ ଚମ୍ପଟ ମାରିଲେ। ଘଟଣା ଘଟିଛି କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ଓଲମା ଗାଁରେ।
ଗତକାଲି ବିଳମ୍ବିତ ରାତିରେ ଧନଞ୍ଜୟ ସାହୁଙ୍କ ଘରେ ୧୨ ଜଣିଆ ଡକାୟତ ଦଳ ପଶିଥିଲେ। ପରେ ଘରର ସଦସ୍ୟଙ୍କୁ ଗୋଟିଏ କୋଠରୀରେ ତାଲା ପକାଇ ବନ୍ଦ କରି ଦେଇଥିଲେ। ପରିବାର ଲୋକେ ଏନେଇ ପ୍ରତିବାଦ କରିବାରୁ ଡକାୟତ ଦଳ ପରିବାର ସଦସ୍ୟଙ୍କୁ ମାଡ଼ ମାରିଥିଲେ। ପରେ ସେମାନେ ଘରୁ ୨୫ ଭରି ସୁନା ଅଳଙ୍କାର ଓ ଟଙ୍କା ନେଇ ଚମ୍ପଟ ମାରିଥିଲେ। ଏହାସହ ଘରର କିଛି ଆସବାବ ପତ୍ର ଭାଙ୍ଗି ଦେଇଥିଲେ।
Also Read
୧୨ ଜଣ ଡକାୟତ ଦଳ ପାଚେରି ଡେଇଁ ଘରୁ ଚମ୍ପଟ ମାରିବା ସମୟରେ ଜଣେ ଡକାୟତ ତଳେ ଖସି ପଡ଼ିଥିଲା। ତାର ଗୋଡ଼ ଭାଙ୍ଗି ଯାଇଥିଲା। ସ୍ଥାନୀୟ ଲୋକେ ସେହି ଡକାୟତକୁ କାବୁ କରି ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ଡକାୟତଙ୍କୁ ଥାନାକୁ ନେ଼ବା ସହ ଅନ୍ୟ ଡକାୟତର ସମ୍ପର୍କରେ ପଚରାଉଚା କରୁଛି ଓ ଘଟଣାର ତଦନ୍ତ କରୁଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
