OR 
ବ୍ୟାଙ୍କ ଲକର୍ ଭାଙ୍ଗି ୧୪ ଲକ୍ଷ ଟଙ୍କା ଲୁଟ୍ ଅଭିଯୋଗ। ଏଭଳି ଘଟଣା ଘଟିଛି କଟକ ଜିଲ୍ଲା ବାଙ୍କୀ ସେଣ୍ଟ୍ରାଲ କୋ-ଅପରେଟିଭ ବ୍ୟାଙ୍କର ଡମ୍ପଡ଼ା ଶାଖାରେ।
ସୂଚନା ଅନୁସାରେ ଗୁରୁବାର ରାତିରେ ଦୁର୍ବୃତ୍ତ ମାନେ ବ୍ୟାଙ୍କରେ ପସି ଟ୍ରେଜେରୀ ଲକର୍ ଭାଙ୍ଗିଥିଲେ। ସେଥିରୁ ୧୪ ଲକ୍ଷରୁ ଅଧିକ ଟଙ୍କା ସହିତ କିଛି ଗୁରୁତ୍ୱପୂର୍ଣ୍ଣ କାଗଜ ପତ୍ର ଧରି ଚମ୍ପଟ୍ ମାରିଥିଲେ।
Also Read
ଆଜି ସକାଳୁ ବ୍ୟାଙ୍କର କର୍ମଚାରୀ ମାନେ ବ୍ୟାଙ୍କରେ ପହଞ୍ଚିବା ପରେ ତାଲା ଭଙ୍ଗା ଯାଇଥିବା ଦେଖିବାକୁ ପାଇ ଥିଲେ। ଏନେଇ ବ୍ୟାଙ୍କର ମ୍ୟାନେଜର ଚୋରୀ ହୋଇଥିବା ନେଇ ବାଙ୍କୀ ଥାନାରେ ଲିଖିତ ଅଭିଯୋଗ କରିଛନ୍ତି।
ଏତଲାକୁ ଆଧାର କରି ଏସିପିଙ୍କ ସହ ଅନ୍ୟ ପୁଲିସ ଅଧିକାରୀ ମାନେ ସେଣ୍ଟ୍ରାଲ କୋ-ଅପରେଟିଭ ବ୍ୟାଙ୍କରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଏହା ସହିତ ଲୁଟେରାକୁ ଧରିବା ପାଇଁ ପୁଲିସ ଏକ ସ୍ୱତନ୍ତ୍ର ଟିମ୍ ଗଠନ କରିଛି ବୋଲି ଏସିପି ମିହିର କୁମାର ପଣ୍ଡା ସୂଚନା ଦେଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
