ଦୁଇ ଜଣ ଶ୍ରମିକଙ୍କୁ ଅପହରଣ କରି ଟଙ୍କା ମାଗିବା ମହଙ୍ଗା ପଡ଼ିଲା। ଏପରି କରିବା ଅଭିଯୋଗରେ ଦୁଇ ଅଭିଯୁକ୍ତଙ୍କୁ ବାନ୍ଧିଛି କଟକର ମଙ୍ଗଳାବାଗ ଥାନା ପୁଲିସ।
ଝାଡ଼ଖଣ୍ଡର ଦୁଇ ଜଣ ଶ୍ରମିକ ଏସିସିବି ମେଡିକାଲ ସଂପ୍ରସାରଣ କାମରେ ନିୟୋଜିତ ଏକ ଠିକା ସଂସ୍ଥାରେ କାମ କରୁଥିଲେ। ଗତ ୫ ତାରିଖ ଦିନ ହାଡିଆପଠାରେ କିଛି ନିଶାସକ୍ତ ଯୁବକଙ୍କ ସହ ସେମାନଙ୍କର ପାଟିତୁଣ୍ଡ ହୋଇଥିଲା। ଏହାପରେ ଯୁବକମାନେ ଦୁଇ ଶ୍ରମିକଙ୍କୁ ଉଠାଇ ନେଇ ଯୋବ୍ରା ଅଞ୍ଚଳର ପରିତ୍ୟକ୍ତ ଘରେ ରଖିଥିଲେ।
Also Read
ସେମାନଙ୍କ ପରିବାର ଲୋକଙ୍କୁ ଏକ ଲକ୍ଷ ଟଙ୍କା ମାଗିଥିଲେ। ଟଙ୍କା ନ ଦେଲେ ହତ୍ୟା କରିବାକୁ ଧମକ ଦେଇଥିଲେ ଦୁର୍ବୃତ୍ତ। ତେବେ ଏ ନେଇ ଶ୍ରମିକଙ୍କ ପରିବାର ଲୋକ ସେମାନଙ୍କ ସହ ରହୁଥିବା କଟକର ଆଉ ଜଣେ ବ୍ୟକ୍ତିଙ୍କୁ କହିଥିଲେ।
ଏନେଇ ମଙ୍ଗଳବାଗ ଥାନାରେ ଅଭିଯୋଗ ପରେ ପୁଲିସ୍ ତଦନ୍ତ ଆରମ୍ଭ କରିଥିଲା। ଏହାପରେ ପୁଲିସ୍ ଯୋବ୍ରା ଅଞ୍ଚଳର ବିନୋଦ ସାମଲ ଓ ମଙ୍ଗଳାବାଗ ଘାଷିଆ ସାହିର ଦେବୁନ ସାମଲଙ୍କୁ ଗିରଫ କରି କୋର୍ଟଚାଲାଣ କରିଛି
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
