OR 
ମହଙ୍ଗା ପଡ଼ିଲା ଦାମୀ ଗାଡ଼ିରେ ବେପରୁଆ ଗାଡ଼ିଚାଳନା। ସଡ଼କ ଦୁର୍ଘଟଣା ଘଟାଇଥିବା ଅଭିଯୁକ୍ତକୁ ଗିରଫ କଲା ପୁଲିସ। ଘଟଣା ଘଟିଛି ରାଜଧାନୀ ଭୁବନେଶ୍ୱରରେ। ଦୁଇ ଦିନ ତଳେ ଅପରାହ୍ଣରେ ପାୱାରହାଉସ ଛକଠାରେ ଦୁର୍ଘଟଣା ଘଟିଥିଲା। ଗିରଫ ଅଭିଯୁକ୍ତ ଜଣଙ୍କ ହେଲେ ସୌଭାଗ୍ୟ କୁମାର ବାଗ।
ଅଭିଯୋଗ ଅନୁସାରେ, ମଙ୍ଗଳବାର ସୌଭାଗ୍ୟ କୁମାର ବାଗ ନିଜ ଲ୍ୟାଣ୍ଡରୋଭର କାରରେ ପାୱାର ହାଉସ ଛକ ଅଭିମୁଖେ ଯାଉଥିଲେ। ଏହି ସମୟରେ ଏକ ବାଇକ୍ରେ ଦୁଇ ଜଣ ବ୍ୟକ୍ତି ଡିଏଭି ସ୍କୁଲ ପଟୁ ପାୱାର ହାଉସ ଛକ ଆଡ଼କୁ ଆସୁଥିଲେ। ପାୱାର ହାଉସ ଛକରେ ସୌଭାଗ୍ୟଙ୍କ କାର୍ ଦୁଇ ବାଇକ୍ ଆରୋହୀଙ୍କୁ ଧକ୍କା ଦେଇଥିଲା। ଦୁର୍ଘଟଣାରେ ୨ ଜଣ ବାଇକ ଆରୋହୀ ଗୁରୁତର ଆହତ ହୋଇଥିଲେ। ସେମାନଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା।
Also Read
ଦୁର୍ଘଟଣା ପରେ କାର୍ ନେଇ ଫେରାର ହୋଇଯାଇଥିଲେ ସୌଭାଗ୍ୟ। କ୍ୟାପିଟାଲ ଥାନାରେ ଏନେଇ ମାମଲା ରୁଜୁ ହୋଇଥିଲା। କମିଶନରେଟ୍ ପୁଲିସ ଘଟଣାର ତଦନ୍ତ କରି ସୌଭାଗ୍ୟଙ୍କୁ ଗିରଫ କରି କୋର୍ଟ ଚାଲାଣ କରିବା ସହ କାର୍କୁ ଜବତ କରିଛି। ବେପରୁଆ ଗାଡ଼ି ଚାଳନା ଯୋଗୁ ଏହି ଦୁର୍ଘଟଣା ଘଟିଥିବା ପୁଲିସ ସୂଚନା ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
