ଜିରୋ ନାଇଟ ସେଲିବ୍ରେଶନ ବେଳେ ବୁଲିଲା ଖଣ୍ଡା। ଉନ୍ମତ୍ତ କାଣ୍ଡ ଘଟାଇଲେ ଦୁଇ ଯୁବକ । ଏଥିରେ ଦୁଇ ଜଣ ଗୁରୁତର ହୋଇଥିବା ଜଣାଯାଇଛି। ଏପରି ଏକ ଅଘଟଣ ଗତ ରାତିରେ ବଲାଙ୍ଗିର ସହର ତୁଳସୀନଗର ପଡାରେ ଘଟିଛି।
ଗତ ରାତିରେ ତୁଳସୀନାଗାର ପଡାରେ ଛୋଟ ଛୋଟ ଛୁଆଙ୍କ ସହିତ କିଛି ଯୁବକ ଜିରୋନାଇଟ ସେଲିବ୍ରେଶନ କରୁଥିଲେ । ଏହି ସମୟରେ ଦୁଇଜଣ ଯୁବକ ବାଇକରେ ଆସି ଉକ୍ତ ସ୍ଥାନରେ ଦ୍ରୁତ ଗତିରେ ବାରମ୍ବାର ବାଇକ ବୁଲାଇଲେ। ସ୍ଥାନୀୟ ଯୁବକ ଏହାକୁ ବାରଣ କରିବାରୁ ଉକ୍ତ ଦୁଇ ଯୁବକ ଖଣ୍ଡା ଧରି ସେମାନଙକୁ ଆକ୍ରମଣ କରିଥିଲେ ।
ଏହି ଆକ୍ରମଣରେ ତୁଳସୀନଗରପଡା ଅଞ୍ଚଳର ମଧୁସୂଦନ ବଗର୍ତି ଏବଂ ଅଗ୍ନି କୁମାର ବିଶି ଗୁରୁତର ହୋଇଛନ୍ତି। ମଧୁସୂଦନଙ୍କ ହାତରେ ଏବଂ ଅଗ୍ନିଙ୍କ ମୁଣ୍ଡରେ ଗଭୀର ଆଘାତ ଲାଗିଛି । ଦୁଇଜଣଙ୍କୁ ଗୁରୁତର ଅବସ୍ଥାରେ ବଲାଙ୍ଗିର ଭୀମଭୋଇ ମେଡିକାଲ କଲେଜ ହସପିଟାଲରେ ଭର୍ତ୍ତି କରାଯାଇଛି ।
ଆକ୍ରମଣକାରୀଙ୍କ ଭିତରେ ଜଣଙ୍କର ନାଁ ବବଲୁ ଷାଣ୍ଢ ବୋଲି ଜଣାପଡିଛି । ଅନ୍ୟଜଣଙ୍କର ପରିଚୟ ମିଳି ପାରିନି। ଅଭିଯୁକ୍ତ ମାନେ ଫେରାର ଥିବା ବେଳେ ଟାଉନ ପୁଲିସ ତଦନ୍ତ ଜାରୀ ରଖିଛି ।
Also Read
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
