ବେଙ୍ଗାଲୁରୁରେ ଥିବା ୩ ପ୍ରସିଦ୍ଧ କଲେଜକୁ ବୋମା ବିସ୍ଫୋରଣର ଧମକ ମିଳିଛି। ଇ-ମେଲ ଯୋଗେ କେହି ୩ କଲେଜକୁ ଏପରି ଧମକ ଦେଇଛନ୍ତି। ଧମକ ମିଳିବା ପରେ ପୁଲିସ୍ ଓ ବୋମା ନିଷ୍କ୍ରିୟକାରୀ ଟିମ ଘଟଣା ସ୍ଥଳରେ ପହଞ୍ଚି ଯାଞ୍ଚ ଆରମ୍ଭ କରିଛନ୍ତି। କିନ୍ତୁ ରିପୋର୍ଟ ଲେଖା ହେବା ଯାଏ କୌଣସି କଲେଜରୁ କିଛି ବିସ୍ଫୋରକ ସାମଗ୍ରୀ ମିଳିନାହିଁ।
ଇ-ମେଲ ଯୋଗେ ବୋମା ଧମକ ପାଇଥିବା ୩ କଲେଜ ହେଲା- ବିଏମସି କଲେଚ, ଏମସ ରମୈୟା କଲେଜ ଓ ବିଆଇଟି କଲେଜ। ଏହି ୩ କଲେଜର ଅଫିସିଆଇ ଇ-ମେଲକୁ ଧମକପୂର୍ଣ୍ଣ ବାର୍ତ୍ତା ଆସିଛି।
Also Read
୩ ଅନୁଷ୍ଠାନରେ ବୋମା ଖଞ୍ଜା ଯାଇଛି ଓ ଯେକୌଣସି ମୁହୂର୍ତ୍ତରେ ଏହା ବିସ୍ଫୋରଣ ହୋଇପାରେ। ସଦାଶିବନଗର, ହନୁମନ୍ତ ନଗର ଓ ବାସାବନଗୁଡି ଅଞ୍ଚଳରେ ଏହି ୩ କଲେଜକୁ ଏପରି ଧମକ ମିଳିବା ପରେ ପୂରା ଆତଙ୍କ ଖେଳି ଯାଇଥିଲା।
କର୍ତ୍ତୃପକ୍ଷ ତୁରନ୍ତ ଏନେଇ ପୁଲିସ୍କୁ ଖବର ଦେବା ପରେ ସେମାନେ ଘଟଣାସ୍ଥଳରେ ପହଞ୍ଚିଥିଲେ। ପୁଲିସ୍ ୧ ଘଣ୍ଟାରୁ ଅଧିକ ସମୟ ଧରି ସର୍ଚ୍ଚ ଅପରେସନ ଜାରି ରଖିଥିଲେ ହେଁ ଏଯାଏ ବୋମା ସମ୍ପର୍କରେ କୌଣସି ସୂଚନା ମିଳିନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
