ଯିଏ ୯ ମାସ ଧରି ଗର୍ଭରେ ରଖି ଜନ୍ମ ଦେଇଥିଲା, ସେ କିନ୍ତୁ ୨ ମାସ ବି ସମ୍ଭାଳି ପାରିଲାନି। ଜନ୍ମ ଦେଇଥିବା ମା’ ହିଁ ନେଇଗଲା ଜୀବନ । ଦୁନିଆକୁ ଜାଣିବା ଆଗରୁ ମାତ୍ର ୩୯ ଦିନର ଝିଅକୁ ୧୪ ମହଲାରୁ ଫୋପାଡ଼ି ଦେଲା ମା’ । ନିଜ ମା’ ହାତରେ ଶିଶୁ କନ୍ୟାଟିର ଜୀବନ ଚାଲିଯାଇଥିବା ବେଳେ ପୁଲିସ୍ ଘଟଣାର ତଦନ୍ତ ଆରମ୍ଭ କରିଛି। ନିଜ ଛୁଆକୁ ଫୋପାଡ଼ି ଦେଇଥିବା ମହିଳାଜଣକ ଭିନ୍ନକ୍ଷମ ବୋଲି ଜଣାଯାଇଛି। ଏପରି ଏକ ହୃଦୟ ବିଦାରକ ଘଟଣା ମୁମ୍ବାଇରେ ଘଟିଛି।
ମୁମ୍ବାଇର ଜାଭେଦ ରୋଡ ଅଞ୍ଚଳରେ ଗତ ଗୁରୁବାର ଏପରି ଏକ ଘଟଣା ଘଟିଛି। ମହିଳାଜଣକ ମୁକ ଓ ବଧିର ବୋଲି ଜଣାଯାଇଛି। ସେ ପ୍ରାୟ ଦେଢ ମାସ ତଳେ ଏକ ଶିଶୁ କନ୍ୟାକୁ ଜନ୍ମ ଦେଇଥିଲେ।
ମାତ୍ର ଗତ ଗୁରୁବାର ସେ ନିଜ ଝିଅକୁ ଫ୍ଲାଟର ଝରକା ଦେଇ ୧୪ ମହଲାରୁ ତଳକୁ ଫୋପାଡ଼ି ଦେଇଥିଲେ। ସ୍ଥାନୀୟ ଲୋକେ ତୁରନ୍ତ ତାଙ୍କୁ ମେଡିକାଲ ନେଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
Also Read
ପୁଲିସ୍ ଏନେଇ ଏକ ମାମଲା ରୁଜୁ କରି ସମ୍ପୃକ୍ତ ମହିଳାଙ୍କ ବିରୋଧରେ ହତ୍ୟା ମାମଲା ରୁଜୁ କରିଛି। ମାତ୍ର ତାଙ୍କୁ ଗିରଫ କରାଯାଇ ନ ଥିବା ବେଳେ ଏହା ପଛର କାରଣ ଉପରୁ ପରଦା ହଟିନି।
ଗତ ବର୍ଷ ଜୁଲାଇରେ ମଧ୍ୟ ମହିଳାଜଣକଙ୍କର ୭ ମାସର ଶିଶୁ ପୁତ୍ରର ମୃତ୍ୟୁ ହୋଇଥିଲା। ଶିଶୁଟି ଖାଇବା ସମୟରେ ଅଣନିଶ୍ୱାସୀ ହୋଇ ଆଖି ବୁଜିଥିବା ତଦନ୍ତରୁ ଜଣାପଡ଼ିଥିଲା।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
