ଖୋର୍ଦ୍ଧା: ୫ ଡକାୟତକୁ ଗିରଫ କଲା ଜଙ୍କିଆ ପୋଲିସ

ଖୋର୍ଦ୍ଧା: ୧୬ ନମ୍ୱର ଜାତୀୟ ରାଜପଥର ଡାହାଣିଗାଡିଆ ପୋଲ ନିକଟରେ ଡକାୟତି ଉଦ୍ୟମ ଯୋଜନା ଚଳାଇଥିବା ବେଳେ ଜଙ୍କିଆ ପୋଲିସ ୫ ଜଣ ଡକାୟତକୁ ଗିରଫ କରିଛି। ଗିରଫ ଅଭିଯୁକ୍ତ ମାନେ ହେଲେ ଗଂଜାମର ସଂଜୟ ସେଠୀ ଏବଂ ପବିତ୍ର ଦଳ ବେହେରା , ଯାଜପୁରର ସେକ୍ ଆଫତାବୁଦିନ , ବେଗୁନିଆର ନବ କୁମାର ସାହୁ ଓ ବଲାଙ୍ଗିରର ରବୀନ୍ଦ୍ର ତ୍ରିପାଠୀ। ସେମାନଙ୍କ ନିକଟରୁ ଗୋଟିଏ ଇଣ୍ଡିକା କାର ସହିତ ,ଦେଶୀ ପିସ୍ତଲ , ଛୁରି , ବ୍ଲେଡ୍ , ଶାବଳ , କରତ ଓ ଲଙ୍କା ଗୁଣ୍ଡ ପ୍ୟାକେଟ୍ ପୋଲିସ ଜବତ କରିଛି। ସମସ୍ତ ଅଭିଯୁକ୍ତଙ୍କୁ ପୋଲିସ କୋର୍ଟ ଚାଲାଣ କରିଛି।
ଏମାନେ ସମସ୍ତେ ଭୁବନେଶ୍ୱରର ଏକ ବସ୍ତିରେ ଭଡାରେ ରହି ଜାତୀୟ ରାଜପଥରେ ଡକାୟତି କରୁଥିଲେ ବୋଲି ଏସପି ଦିଲ୍ଲୀପ ଦାସ ସୂଚନା ଦେଇଛନ୍ତି।