ଯୌନ ଲାଳସା ମେଣ୍ଟାଇବାକୁ ଯାଇ ପିଶାଚ ପାଲଟିଲା ପଡ଼ୋଶୀ। ୬ ବର୍ଷର ନିଷ୍ପାପ ଶିଶୁକୁ ଦୁଷ୍କର୍ମ କରିବା ପରେ ଗଳା ଚିପି ହତ୍ୟା କରିଛି ଯୌନ ରାକ୍ଷସ। ଏଭଳି ଅମାନବୀୟ ଘଟଣା ଘଟିଛି ଉତ୍ତର ପ୍ରଦେଶର ମୁଜାଫରନଗର ଅନ୍ତର୍ଗତ ମନସୁରପୁର ଥାନା ଅଞ୍ଚଳରେ। ତେବେ ଅଭିଯୁକ୍ତ ଖସି ପଳାଉଥିବାବେଳେ ଏନକାଉଣ୍ଟର କରି ଧରିବାରେ ସକ୍ଷମ ହୋଇଛି ପୁଲିସ।
ମୃତ ଶିଶୁର ପରିବାର ଲୋକଙ୍କ ଅଭିଯୋଗ ଅନୁଯାୟୀ ୪୦ ବର୍ଷୀୟ ଅଭିଯୁକ୍ତ ମନବୀର ଶିଶୁଟିକୁ ଚକୋଲେଟ ଦେବା ବାହାନାରେ ତା' ଘରକୁ ଡାକି ନେଇଥିଲା। ଛୋଟ ଛୁଆ ଚକୋଲେଟ ଲୋଭରେ ତା' ସହ ଚାଲିଯାଇଥିଲା। ସେଠାରେ ଶିଶୁକୁ ଦୁଷ୍କର୍ମ କରିଥିଲା ଅଭିଯୁକ୍ତ ମନବୀର। ଯେତେବେଳେ ଛୁଆଟି କାନ୍ଦିଥିଲା, ସେ ଧରା ପଡ଼ିଯିବା ଭୟରେ ଛୁଆର ତଣ୍ଟି ଚିପି ହତ୍ଯା କରିଦେଇଥିଲା ବୋଲି ସର୍କଲ ଅଫିସର ରାମାଶିଷ ଯାଦବ କହିଛନ୍ତି।
Also Read
ପୁଲିସ ଅଧିକାରୀ କହିଛନ୍ତି ଯେ, ଏନେଇ ଏକ ମାମଲା ରୁଜୁ ହେବା ପରେ ଅଭିଯୁକ୍ତ ମନବୀରକୁ ଖୋଜିବାକୁ ଏକ ସର୍ଚ୍ ଅପରେସନ୍ ଆରମ୍ଭ ହୋଇଥିଲା। ସେ ଖସି ପଳାଉଥିବାବେଳେ ପୁଲିସ ତା' ଉପରକୁ ଗୁଳି ଚଳାଇଥିଲା। ସେ ଆହତ ହେବା ପରେ ପୁଲିସ ତାକୁ ଗିରଫ କରି ମେଡିକାଲରେ ଭର୍ତ୍ତି କରିଛି। ମୃତ ଶିଶୁର ପରିବାର ଆସାମର ମୂଳ ବାସିନ୍ଦା ହୋଇଥିବାବେଳେ ଏଠାରେ ଏକ କାରଖାନାରେ କାମ କରୁଥିବା ପୁଲିସ ସୂଚନା ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
