OR 
କାହାକୁ ଛାଡ଼ିଲେ ନାହିଁ। ଶେଷରେ ପୁଲିସ୍ ବାବୁଙ୍କ ଘରେ କଳାକନା ବୁଲାଇଦେଲେ ଲୁଟେରା। ୮ ଲକ୍ଷ ଟଙ୍କାର ସମ୍ପତ୍ତି ଲୁଟିନେଲେ। ଏପରି ଅଭିଯୋଗ ଢେଙ୍କାନାଳରୁ ଆସିଛି। ଏନେଇ ଅଭିଯୋଗ ହେବା ପରେ ପୁଲିସ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
କାମାକ୍ଷାନଗର ଅବକାରୀ ଥାନା ଅଧିକାରୀ ସଂଜୀବ କୁମାର ଶର୍ମା ଜିରିଡାମାଳି ଶାନ୍ତିନଗରରେ ଘର ଭଡା ନେଇ ରହୁଥିଲେ। ତାଙ୍କ ଝିଅ କୋଲକାତାରେ ପଢ଼ୁଥିବାରୁ ତାଙ୍କୁ ଆଣିବା ପାଇଁ ଗତ ୩ ତାରିଖରେ ପରିବାର ଲୋକେ ଯାଇଥିଲେ। ଭଡ଼ା ଘରେ କେହି ନଥିଲେ। ଏହାର ସୁଯୋଗନେଇ ଦୁର୍ବୃତ୍ତମାନେ ଘରେ କଳାକନା ବୁଲାଇ ଦେଇଥିଲେ। ଦୁର୍ବୃତ୍ତମାନେ ଝିଅର ପାଠ ପଢ଼ା ପାଇଁ ଥିବା ନଗଦ ୩ ଲକ୍ଷ ଟଙ୍କା ଓ ୮ ଭରିରୁ ଅଧିକ ସୁନା ଅଳଙ୍କାର ଲୁଟି ନେଇଛନ୍ତି।
Also Read
ଆଜି ପଡ଼ୋଶୀଙ୍କଠାରୁ ଖବର ପାଇ ଶ୍ରୀ ଶର୍ମା ଟେଲିଫୋନ୍ରେ କାମାକ୍ଷାନଗର ଥାନା ଅଧିକାରୀଙ୍କୁ ଘଟଣା ସମ୍ପର୍କରେ ସୂଚନା ଦେଇଥିଲେ। ପୁଲିସ ଘଟଣାର ତଦନ୍ତ ଆରମ୍ଭ କରିଛି। ମାତ୍ର ଦୁର୍ବୃତ୍ତଙ୍କ ପତ୍ତା ପାଇନି।
ରିପୋର୍ଟ- କାମାକ୍ଷାନଗରରୁ ବିଦ୍ୟାଧର ବରାଳ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
