OR 
ଭିନ୍ନକ୍ଷମ ଯୁବକଙ୍କୁ ବଜାରରେ ଗୋଡ଼ାଇ ଗୋଡ଼ାଇ ପିଟିଲେ ଅନ୍ୟ ଜଣେ ଯୁବକ। ଭିନ୍ନକ୍ଷମ ଯୁବକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି। ଏପରି ଘଟଣା ଘଟିଛି ସୁନ୍ଦରଗଡ଼ ଜିଲ୍ଲା କୋଇଡା ଥାନା ଅନ୍ତର୍ଗତ ପରିବା ମାର୍କେଟ ନିକଟରେ।
ଗତକାଲି ରାତିରେ ଭିନ୍ନକ୍ଷମ ଯୁବକ ଜଣକ ତାଙ୍କ ପରିବାର ସହିତ ଦୋକାନ ପିଣ୍ଡିରେ ଶୋଇଥିଲେ। ଏହି ସମୟରେ ଜଣେ ଯୁବକ ଆସି ତାଙ୍କୁ ଆଶବାଡ଼ିରେ ଆକ୍ରମଣ କରିଥିଲା। ଏପରିକି ବଜାରରେ ଗୋଡ଼ାଇ ଗୋଡ଼ାଇ ପିଟିଥିଲା। ସ୍ଥାନୀୟ ଲୋକେ ଏହା ଦେଖି ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚି ଭିନ୍ନକ୍ଷମ ଯୁବକଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲା।
Also Read
ଏଥିସହ ଆକ୍ରମଣ କାରୀଙ୍କୁ ଅଟକ ରଖି ପଚରାଉଚରା କରୁଛି ପୁଲିସ। ତେବେ କେଉଁ କାରଣ ପାଇଁ ଯୁବକ ଜଣଙ୍କ ଭିନ୍ନକ୍ଷକ ଯୁବକଙ୍କୁ ଆକ୍ରମଣ କଲେ ତାର କାରଣ ଜଣାପଡ଼ିନାହିଁ। ପୁଲିସ ଘଟଣାର ତଦନ୍ତ କରୁଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
