ଆମେରିକାର ମେରିଲ୍ୟାଣ୍ଡରେ ନାବାଳକ ଛାତ୍ର ସହ ଶାରିରୀକ ସମ୍ପର୍କ ରଖି ୩୦ ବର୍ଷ ପାଇଁ ଜେଲ ଯାଇଛନ୍ତି ଜଣେ ଶିକ୍ଷୟିତ୍ରୀ। ଆମେରିକାର ଗଣମାଧ୍ୟମ ଖବର ଅନୁସାରେ ୩୨ ବର୍ଷ ବୟସ୍କା ଶିକ୍ଷୟିତ୍ରୀ ଜଣକ ଗତବର୍ଷ ନଭେମ୍ବର ୭ରେ ପୁଲିସ ନିକଟରେ ଆତ୍ମସମର୍ପଣ କରିଥିଲେ। ଶିକ୍ଷୟିତ୍ରୀଙ୍କ ବିରୋଧରେ ଜଣେ ଅଷ୍ଟମ ଶ୍ରେଣୀ ଛାତ୍ରକୁ ମଦ, ଗଞ୍ଜେଇ ଭଳି ନିଶାଦ୍ରବ୍ୟ ଦେଇ ତା' ସହ ବାରମ୍ବାର ଶାରିରୀକ ସମ୍ପର୍କ ରଖିଥିବା ଅଭିଯୋଗ ରହିଛି।
ଖବର ଅନୁସାରେ ଶିକ୍ଷୟିତ୍ରୀଙ୍କୁ ନିଲମ୍ବନ କରାଇବା ସହିତ ୩୦ ବର୍ଷ ପାଇଁ ଜେଲକୁ ପଠାଇଛନ୍ତି କୋର୍ଟ। ଜେଲରୁ ମୁକୁଳିବା ପରେ ତାଙ୍କୁ ୨୫ ବର୍ଷ ପର୍ଯ୍ୟନ୍ତ ଯୌନ ଅପରାଧୀ ଭାବରେ ପଞ୍ଜିକୃତ କରାଯିବ ଏବଂ ନଜରବନ୍ଦୀ କରି ରଖାଯିବ। ତାଙ୍କ ନିଜ ଛୁଆ ବ୍ୟତୀତ ଅନ୍ୟ ନାବାଳକ-ନାବାଳିକାଙ୍କ ସହ ସେ ଏକାକୀନା ମିଶିପାରିବେ ନାହିଁ।
Also Read
ରିପୋର୍ଟ ଅନୁସାରେ ଶିକ୍ଷୟିତ୍ରୀ ଜଣକ ନାବାଳକ ଛାତ୍ରଙ୍କୁ ମଦ ଓ ଗଞ୍ଜେଇ ଭଳି ନିଶାଦ୍ରବ୍ୟ ଦେଇ ତାଙ୍କ ସହ ବିଭିନ୍ନ ସ୍ଥାନରେ ପ୍ରାୟ ୨୦ରୁ ଅଧିକ ଥର ଶାରିରୀକ ସମ୍ପର୍କ ରଖିଥିଲେ। ୨୦୧୫ ମସିହା ଜାନୁଆରୀରୁ ମେ' ମାସ ମଧ୍ୟରେ ଏଭଳି କାଣ୍ଡ ଭିଆଇଥିଲେ ଯୌନପିପାସୁ ଶିକ୍ଷୟିତ୍ରୀ। ସମାନ ସ୍କୁଲରେ ସେ ପ୍ରାୟ ୨ ବର୍ଷରୁ ଅଧିକ ସମୟ ଧରି ଶିକ୍ଷକତା କରୁଥିଲେ। ଅଭିଯୋଗ ପରେ ସେ ନିଜେ ଆତ୍ମସମର୍ପଣ କରି ନିଜ ଦୋଷ ସ୍ଵୀକାର କରିଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
