OR 
କୁରାଢିରେ ହାଣି ଏଟିଏମ ଲୁଟ୍ କରିବାକୁ ଉଦ୍ୟମ କରିଥିଲା ଲୁଟେରା। ହେଲେ ତାର ସବୁ ପରିଶ୍ରମ ଗୋଟିଏ ସେକେଣ୍ଡ ଭିତରେ ପାଣି ଫୋଟକା ପରି ମିଳାଇ ଯାଇଥିଲା। ହଠାତ୍ ବ୍ୟାଙ୍କର ସାଇରନ ବାଜିବା ଉଠିବାରୁ ଛୁ ମାରିଲା ଲୁଟେରା। ଏଭଳି ଘଟଣା ଘଟିଛି ପୁରୀ ଜିଲ୍ଲା ପିପିଲି ଥାନା ଅନ୍ତର୍ଗତ ଭରତପୁର ସ୍ଥିତ ଏସବିଆଇ ଏଟିଏମରେ।
ଗତ ୩୧ ତାରିଖ ଦିନ ବିଳମ୍ବିତ ରାତି ପ୍ରାୟ ୨ଟା ବେଳେ ଜଣେ ଲୁଟେରା କଳା ରଙ୍ଗର ହେଲମେଟ୍ ପିନ୍ଧି ଏଟିଏମ ଲୁଟ୍ କରିବାକୁ ଆସିଥିଲା। ସାଙ୍ଗରେ ଆଣିଥିବା କୁରାଢ଼ିରେ ଏଟିଏମକୁ ହାଣିବାକୁ ଚେଷ୍ଟା କରିଥିଲା। ହେଲେ ଏହି ସମୟରେ ସାଇରନ ବାଜି ଉଠିଥିଲା। ଲୁଟେରା ଜଣଙ୍କ ଭୟଭୀତ ହୋଇ ସେଠାରୁ ଚମ୍ପଟ ମାରିଥିଲା।
Also Read
ଏଟିଏମ୍ରେ ଲାଗିଥିବା ସିସିଟିଭିରେ ଏହି ସବୁ ଦୃଶ୍ୟ କଏଦ ହୋଇଛି। ଏନେଇ ପିପିଲା ଥାନାରେ ଅଭିଯୋଗ ହୋଇଛି। ୪ ଦିନ ବିତି ଯାଇଥିଲେ ମଧ୍ୟ ପୁଲିସ ଏପର୍ଯ୍ୟନ୍ତ କାହାରିକୁ ଗିରଫ କରି ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
