ବାନା ବାବାଙ୍କ ସମର୍ଥକଙ୍କ ନାଁରେ ଗୋଧନପଡା ଗ୍ରାମବାସୀଙ୍କୁ ମାଡ ଅଭିଯୋଗ

କୋଣାର୍କ: କୋଣାର୍କ ନିକଟ ବାଲିଦୋକାନରେ ଥିବା ବାନା ବାବାଙ୍କ ସମର୍ଥକଙ୍କ ନାଁରେ ଗୋଧନପଡା ଗ୍ରାମବାସୀଙ୍କୁ ମାଡ ମାରିବା ଅଭିଯୋଗ ଆସିଛି । ଏହାକୁ ନେଇ ସ୍ଥାନୀୟ ଅଞ୍ଚଳରେ ଉତ୍ତେଜନା ଦେଖାଦେଇଛି । ଏହି ଘଟଣାରେ କାର୍ଯ୍ୟାନୁଷ୍ଠାନ ଦାବି କରି ୫ ଘଣ୍ଟା ଧରି କୋଣାର୍କ-କାକଟପୁର ରାସ୍ତାକୁ ଅବରୋଧ କରିଥିଲେ ଗୋଧନପଡା ଗ୍ରାମବାସୀ । ପରେ ପୁରୀ ଆଡସିନାଲ ଏସପିଙ୍କ ନେତୃତ୍ୱରେ ଏକ ଟିମ୍ ଘଟଣାସ୍ଥଳକୁ ଯାଇ ଲୋକଙ୍କୁ ବୁଝାଶୁଝା କରିଥିଲେ । ଆକ୍ରମଣକାରୀକୁ ଗିରଫ କରାଯାଇଥିବା ନେଇ ସୂଚନା ଦେବା ପରେ ଗ୍ରାମବାସୀ ରାସ୍ତାରୋକ ପ୍ରତ୍ୟାହୃତ କରିଥିଲେ । ଏ ନେଇ କୋଣାର୍କ ଥାନାରେ ଏକ ମାମଲା ରୁଜୁ ହୋଇଛି ।