ଦଶମନ୍ତପୁର ଥାନା ଆଇଆଇସି ନିଲମ୍ବିତ

ଲାଞ୍ଚ ମାମଲାରେ ଭିଜିଲାନ୍ସ ଦ୍ୱାରା ଗିରଫ ହୋଇଛନ୍ତି ଦଶମନ୍ତପୁର ଥାନା ଆଇଆଇସି।

Chandrabhanu Mohanty

ଆଇଆଇସି ଚନ୍ଦ୍ରଭାନୁ ମହାନ୍ତି

Jitendra Garnayak
  • Published: Friday, 04 August 2023
  • , Updated: 04 August 2023, 05:07 PM IST

କୋରାପୁଟ ଜିଲ୍ଲା ଦଶମନ୍ତପୁର ଥାନା ଆଇଆଇସି ଚନ୍ଦ୍ରଭାନୁ ମହାନ୍ତିଙ୍କୁ ନିଲମ୍ବନ କରାଯାଇଛି। ଏକ ଲାଞ୍ଚ ମାମଲାରେ ଗିରଫ ହୋଇଥିବା ଯୋଗୁ ପୁଲିସ୍ ମହାନିର୍ଦ୍ଦେଶକ (ଡିଜିପି) ତାଙ୍କୁ ନିଲମ୍ବନ କରିଛନ୍ତି।

ଚନ୍ଦ୍ରଭାନୁ ମହାନ୍ତି ଗତ ମାସ (ଜୁଲାଇ) ୨୮ ତାରିଖରେ ଗିରଫ ହୋଇଥିବା ବେଳେ ଏହି ନିଲମ୍ବନ ଆଦେଶ ସେହିଦିନ ଠାରୁ କାର୍ଯ୍ୟକାରୀ ହେବ ବୋଲି ଡିଜିପି ତାଙ୍କ ନିର୍ଦ୍ଦେଶରେ ଉଲ୍ଲେଖ କରିଛନ୍ତି।

ଏକ ମାମଲାରେ ଜଣେ ଅଭିଯୋଗକାରୀଙ୍କୁ ସାହାଯ୍ୟ କରିବା ପାଇଁ ୮ ହଜାର ଟଙ୍କା ଲାଞ୍ଚ ନେବା ବେଳେ ଭିଜିଲାନ୍ସ ହାତରେ ଧରାପଡ଼ିଥିଲେ ଚନ୍ଦ୍ରଭାନୁ ମହାନ୍ତି। ତାଙ୍କ ସହିତ ଦଶମନ୍ତପୁର ଥାନା ଏଏସ୍‌ଆଇ ଦୀପ୍ତି ହୀରା ମଧ୍ୟ ଗିରଫ ହୋଇଥିଲେ।

ଅଭିଯୋଗକାରୀଙ୍କୁ ଉକ୍ତ ମାମଲାରେ ସାହାଯ୍ୟ କରିବା ପାଇଁ ମୋଟ ୧୩ ହଜାର ଟଙ୍କା ଲାଞ୍ଚ  ମଗାଯାଇଥିଲା। ପୂର୍ବରୁ ସେମାନେ (ଆଇଆଇସି ଚନ୍ଦ୍ରଭାନୁ ମହାନ୍ତି ଓ ଏଏସ୍‌ଆଇ ଦୀପ୍ତି ହୀରା) ୫ ହଜାର ଟଙ୍କା ନେଇ ଥିଲେ। ଜୁଲାଇ ୨୮ ତାରିଖ ଦିନ ବାକି ୮ ହଜାର ଟଙ୍କା ନେବା ବେଳେ ଭିଜିଲାନ୍ସ ଅଧିକାରୀଙ୍କ ହାତରେ ଧରାପଡ଼ିଥିଲେ।

Related story