OR 
ମହାନଦୀରେ ଭାସୁଥିଲା ମହିଳାଙ୍କ ମୃତଦେହ। ଏହା ଆତ୍ମହତ୍ୟା ନା ହତ୍ୟା, ତାହା ଜଣାପଡ଼ି ନାହିଁ। ଗାଁ ଲୋକଙ୍କଠାରୁ ଖବର ପାଇ ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଛି। ଏପରି ଖବର ଆସିଛି ବୌଦ୍ଧ ଜିଲ୍ଲାରୁ। ପାରିବାରିକ କଳହରୁ ମହିଳା ଜଣକ ମହାନଦୀକୁ ଡେଇଁଥିବା ଚର୍ଚ୍ଚା ହେଉଛି।
ଗତ ୨୪ ତାରିଖରେ ରାଇଠାଣି ଗାଁର ରୀତା କୁମ୍ଭାରଙ୍କ ଘରେ ପାଟିତୁଣ୍ଡ ହୋଇଥିଲା। ଏହା ପରେ ରୀତା ଘର ଛାଡ଼ି କେଉଁଆଡେ ପଳାଇ ଯାଇଥିଲେ। ପରିବାର ଲୋକେ ବହୁ ଖୋଜାଖୋଜି କରିଥିଲେ। ମାତ୍ର ରୀତାଙ୍କ ପତ୍ତା ପାଇନଥିଲେ। ଆଜି ସକାଳେ ରୀତାଙ୍କ ମୃତଦେହ ମହାନଦୀ ଇରୀକେସନ୍ କଲୋନୀ ଘାଟରେ ଭାସୁଥିଲେ। ଗାଧୋଇବାକୁ ଆସିଥିବା ଗାଁ ଲୋକେ ଏନେଇ ପୁଲିସ୍କୁ ଖବର ଦେଇଥିଲେ।
Also Read
ବୌଦ୍ଧ ପୁଲିସ୍ ମହାନଦୀ କୂଳରେ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଛନ୍ତି। ଏନେଇ ପରିବାର ଲୋକଙ୍କୁ ଖବର ଦେଇଥିଲା। ପରିବାର ଲୋକେ ତାଙ୍କୁ ଚିହ୍ନି ଥିଲେ। ରୀତା ନଦୀକୁ ଡେଇ ଆତ୍ମହତ୍ୟା କରିଥିବା ଚର୍ଚ୍ଚା ହେଉଛି। ସେପଟେ ପୁଲିସ୍ କହିଛି, ବ୍ୟବଚ୍ଛେଦ ରିପୋର୍ଟ ଆସିଲେ, ମୃତ୍ୟୁର ପ୍ରକୃତ କାରଣ ଜଣାପଡ଼ିବ।
ରିପୋର୍ଟ-ବୌଦ୍ଧରୁ ଦୀପକ ଅଦର
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
