ଯାହାଙ୍କୁ ଅନାଇ ବସିଥିଲେ ପରିବାର ଲୋକେ, କେନାଲରେ ଭାସୁଥିଲା ତାଙ୍କ ମୃତଦେହ

ସକାଳୁ ସାହି ପଡ଼ିଶାଙ୍କ ଡାକରେ ନିଦରୁ ଉଠି ଦେଖିଲା ବେଳକୁ ଉଜୁଡ଼ି ଯାଇଥିଲା ସଂସାର। ଯାହାକୁ ରାତି ସାରା ଅନାଇ ରହିଥିଲେ, ତାଙ୍କ ମୃତଦେହ କେନାଲରେ ଭାସୁଥିଲା।

Tension

ଘଟଣାସ୍ଥଳରେ ଉପସ୍ଥିତ ଲୋକେ ।

Niharika Rout
  • Published: Monday, 25 September 2023
  • Updated: 25 September 2023, 12:03 PM IST

Sports

Latest News

ଘର ଲୋକ ଭାବିଥିଲେ, ଦୋକାନ କାମ ସରିଲେ ସଅଳ ଫେରି ଆସିବେ। ମାତ୍ର ଫେରିବା ବିଳମ୍ବ ହେବାରୁ କାମ ସରି ନ ଥିବ ଭାବି ଶୋଇ ପଡ଼ିଲେ ପରିବାର ଲୋକେ। ସକାଳୁ ସାହି ପଡ଼ିଶାଙ୍କ ଡାକରେ ନିଦରୁ ଉଠି ଦେଖିଲା ବେଳକୁ ଉଜୁଡ଼ି ଯାଇଥିଲା ସଂସାର। ଯାହାକୁ ରାତି ସାରା ଅନାଇ ରହିଥିଲେ, ତାଙ୍କ ମୃତଦେହ କେନାଲରେ ଭାସୁଥିଲା।

ଏପରି ଏକ ଦୁଃଖଦ ଘଟଣା କଟକ ଜିଲ୍ଲା ସାଲେପୁର ଥାନା ଜିଗ୍ନିପୁର ଅଞ୍ଚଳରେ ଗତକାଲି ଘଟିଛି। ମୃତକ ହେଲେ ମର୍କତପୁର ଗାଁର ଦୋଳ ଗୋବିନ୍ଦ ଦାସ। ଦୋଳ ଗୋବିନ୍ଦଙ୍କର ଏକ ସିମେଣ୍ଟ ଗୋଦାମ ଥିବା ବେଳେ ମୃତ୍ୟୁ ବେଳକୁ ତାଙ୍କୁ ୬୦ ବର୍ଷ ହୋଇଥିଲା।

ସବୁ ଦିନ ପରି ଗତକାଲି ବି ଦୋଳଗୋବିନ୍ଦ ନିଜ ଗୋଦାମକୁ ଯାଇଥିଲେ। ମାତ୍ର ରାତିରେ ସିମେଣ୍ଟ ଗାଡ଼ି ଆସିବାକୁ ଥିବାରୁ ଫେରିବା ବିଳମ୍ବ ହେବ ବୋଲି ଘରେ କହିଥିଲେ। ମାତ୍ର ବିଳମ୍ବିତ ରାତି ପର୍ଯ୍ୟନ୍ତ ନ ଫେରିବାରୁ କାମ ସରି ନ ଥିବା ଭାବି ପରିବାର ଲୋକେ ଶୋଇ ପଡ଼ିଥିଲେ।

Also Read

ମାତ୍ର ସକାଳୁ ଦୋକାନଠୁ କିଛି ଦୂର କେନାଲରେ ମୃତଦେହ ଭାସୁଥିବା ଖବର ପାଇ ପରିବାର ଲୋକେ ସେଠାକୁ ଯାଇଥିଲେ। ସେଠାରେ ସେମାନେ ଦୋଳ ଗୋବିନ୍ଦଙ୍କ ମୃତଦେହ ଭାସୁଥିବା ଦେଖିବାକୁ ପାଇଥିଲେ। ମୃତଦେହର ବେକରୁ ମୁଣ୍ଡ ପର୍ଯ୍ୟନ୍ତ କ୍ଷତ ଚିହ୍ନ ଥିବା ଦେଖିବାକୁ ମିଳିଛି।

ତେଣୁ କେହି ଦୋଳଗୋବିନ୍ଦଙ୍କୁ ହତ୍ୟା କରି କେନାଲରେ ଫୋପାଡ଼ି ଦେଇଥିବା ଅଭିଯୋଗ ହୋଇଛି। ଏନେଇ ପରିବାର ଲୋକଙ୍କ ଅଭିଯୋଗକୁ ଆଧାର କରି ପୁଲିସ୍‌ ତଦନ୍ତ ଆରମ୍ଭ କରିଛି।

ରିପୋର୍ଟ - ସାଲେପୁରରୁ ମନୋଜ ଆଚାର୍ଯ୍ୟ

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos