ଦୁଇଟି ସ୍ଥାନରେ ଘଟିଛି କାମୁଡ଼ା କାମୁଡ଼ି। ପ୍ରଥମ ଘଟଣାରେ ଜଣେ ଦେଖଣାହାରୀଙ୍କ କାନ କାମୁଡିଦେଲା ମଦୁଆ। ଅନ୍ୟ ଏକ ମାମଲାରେ ଜଣେ ମହିଳାଙ୍କ ଜଙ୍ଘକୁ କାମୁଡ଼ି ମାଂସ କାଢିନେଲେ ଆଉ ଜଣେ ମହିଳା। ଆଜି ଏପରି ଘଟଣା କେନ୍ଦୁଝର ଜିଲ୍ଲାରେ ଘଟିଛି।
ଆଜି ପୂର୍ବାହ୍ନରେ ଆନନ୍ଦପୁର ଥାନା ମାଠିଆନେଣ୍ଡି ଗାଁରେ ଦୁଇ ମଦୁଆ କଳି ଲାଗୁଥିଲେ। ଦୁଇ ମଦୁଆଙ୍କ କଳିକୁ କିଛି ଦୂରରେ ଛିଡ଼ା ହୋଇ ଦେଖୁଥିଲେ ଗତିକୃଷ୍ଣ ନାଏକ। ହଠାତ୍ ସେମାନଙ୍କ ଭିତରୁ ଜଣେ ଧାଇଁ ଆସି ଗତିକୃଷ୍ଣଙ୍କ କାନକୁ କାମୁଡ଼ି ଛିଡ଼ାଇ ଦେଇଥିଲା। ଚିତ୍କାର ଶୁଣି ସ୍ଥାନୀୟ ସେଠାକୁ ଧାଇଁ ଆସିଥିଲେ। ମଦୁଆଙ୍କ କବଳରୁ ଗତିକୃଷ୍ଣଙ୍କୁ ଉଦ୍ଧାର କରି ଆନନ୍ଦପୁର ଉପଖଣ୍ଡ ମେଡ଼ିକାଲ୍ରେ ଭର୍ତ୍ତି କରିଥିଲେ। ସେଠାରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ କଟକ ବଡ଼ ମେଡ଼ିକାଲ୍କୁ ସ୍ଥାନାନ୍ତରିତ କରାଯାଇଛି।
Also Read
ଠିକ୍ ସେହିପରି ସୋସୋ ଥାନା ସଢ଼ା ଗାଁରେ ଦେଖିବାକୁ ମିଳିଛି ସମାନ ଚିତ୍ର। ସୁଲୋଚନା ଜେନା ଓ ଅନ୍ୟ ଜଣେ ମହିଳା ବିଲରେ କାମ କରୁଥିଲେ। କାମ କରୁଥିବା ବେଳେ କୌଣସି କଥାକୁ ନେଇ ଉଭୟଙ୍କ ଭିତରେ ପାଟିତୁଣ୍ଡ ହୋଇଥିଲା। ପରେ ପାଟିତୁଣ୍ଡ ଉଗ୍ରରୂପ ଧାରଣ କରିଥିଲା। ଉଭୟେ ହାତାହାତି ହୋଇଥିଲେ। ମାଡ଼ ମରାମରି ଭିତରେ ସୁଲୋଚନାଙ୍କ ଜଙ୍ଘକୁ କାମୁଡ଼ି ମାଂସ ଛିଡ଼ାଇ ଦେଇଥିଲେ ଅନ୍ୟ ଜଣେ ମହିଳା। ପାଖ ବିଲରେ କାମ କରୁଥିବା ଲୋକମାନେ ତାଙ୍କୁ ଉଦ୍ଧାର କରି ଆନନ୍ଦପୁର ଉପଖଣ୍ଡ ମେଡ଼ିକାଲ୍ରେ ଭର୍ତ୍ତି କରିଥିଲେ। ତାଙ୍କ ସ୍ୱାସ୍ଥ୍ୟ ଅବସ୍ଥା ଉଦ୍ବେଗ ଜନକ ରହିଛି।
ରିପୋର୍ଟ-ଆନନ୍ଦପୁରରୁ ମୁନ୍ନା ସିଂ
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
