ସମ୍ବଲପୁର ଜିଲ୍ଲା କତରବଗା ଥାନା ଅନ୍ତର୍ଗତ ରୁଣିମହୁଲ ଗାଁରୁ ୯୦୦ ବୋତଲ କଫ୍ ସିରପ ଜବତ କରାଯାଇଛି। ଏହି ଘଟଣାରେ ଅବକାରୀ ବିଭାଗ ଜଣଙ୍କୁ ଗିରଫ କରିଛି।
ରୁଣିମହୁଲ ଗାଁରେ ବେଆଇନ କଫ୍ ସିରପ ଚାଲାଣ ହେଉଥିବା ଅବକାରୀ ବିଭାଗ କୌଣସି ସୂତ୍ରରୁ ଖବର ପାଇଥିଲା। ଗତକାଲି ଅବକାରୀ ବିଭାଗ ଚଢ଼ଉ କରି ୯୦୦ ବୋତଲ କଫ୍ ସିରପ ଜବତ କରିଥିଲା।
ଏହି ବେଆଇନ କଫ୍ ସିରପ ଚାଲାଣରେ ଆଉ କେଉଁମାନେ ସଂପୃକ୍ତ ଅଛନ୍ତି, ଏହାର ଚେର କେତେବାଟ ଲମ୍ବଛି ଅବକାରୀ ବିଭାଗ ତାର ଖୋଳତାଡ଼ କରୁଛି।
ସୂଚନାଯୋଗ୍ୟ, ସେହିପରି ଧନୁପାଲି ଥାନା ଅନ୍ତର୍ଗତ ସରଲାକାନି ଗାଁରେ ଅବକାରୀ ବିଭାଗ ଚଢ଼ାଉ କରାଯାଇ ୩୦ ଲିଟର ଦେଶୀ ମଦ ଜବତ କରିଛି। ଏହି ଘଟଣାରେ ୨ ଜଣଙ୍କୁ ଗିରଫ କରିଛି ଅବକାରୀ ବିଭାଗ।