କଳାହାଣ୍ଡି ଜିଲ୍ଲା ନର୍ଲା ଥାନା ଅନ୍ତର୍ଗତ ଭାଟେଲ୍ ଗାଁରେ ଜଣେ ବୃଦ୍ଧଙ୍କୁ ପିଟି ପିଟି ହତ୍ୟା କରାଯାଇଥିବା ଅଭିଯୋଗ ହୋଇଛି। ମୃତକଙ୍କ ନାଁ ରାମକୃଷ୍ଣ ରଣା।
ଆଜି ସକାଳେ ରାମକୃଷ୍ଣ ରଣାଙ୍କ ରକ୍ତାକ୍ତ ମୃତଦେହ ଗାଁର ଏକ ବିଲରେ ପଡ଼ିଥିବା ଦେଖିବାକୁ ମିଳିଥିଲା। ଗାଁ ଦାଣ୍ଡରେ ତାଙ୍କ ଚପଲ ପଡ଼ିଥିଲା।
ରାମକୃଷ୍ଣ ରଣାଙ୍କ ଶରୀରରେ କଟା ଦାଗ ରହିଛି। ତାଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରାଯିବା ସହିତ ଲୁହା ରଡ୍ରେ ମାଡ଼ ମରାଯାଇଥିବା ଜଣାପଡ଼ୁଛି। ତେବେ କିଏ ଓ କାହିଁକି ତାଙ୍କୁ ମାରିଲା ତାହା ଜଣାପଡ଼ିନାହିଁ। ପୁଲିସ୍ ଘଟଣାର ତଦନ୍ତ କରୁଛି।
ଭବାନୀପାଟଣାରୁ ରାଜକୁମାର ସିଂହଦେଓଙ୍କ ରିପୋର୍ଟ