ସଇତାନ ବାପା; ୪ ବର୍ଷ ଛୁଆର ତଣ୍ଟି ଚିପି ଟାଙ୍ଗି ଦେଲା

ବାପା ସାଜିଲା ସଇତାନ । ଯେଉଁ ହାତ ନିଜ ଛୁଆକୁ ସୁରକ୍ଷା ଦେବା କଥା, ସେହି ହାତରେ ତାର ତଣ୍ଟି ଚିପି ଦେଲା। ଦୁନିଆ କ’ଣ ଜାଣିବା ପୂର୍ବରୁ ମାତ୍ର ୪ ବର୍ଷର ନିରୀହ ଛୁଆର ଜୀବନ ନେଇ ଜଘନ୍ୟ କାଣ୍ଡ ଘଟାଇଲା ବାପା । ଏପରି ଏକ ସାଂଘାତିକ କାଣ୍ଡ ରାଉରକେଲା ସହରରେ ଚର୍ଚ୍ଚାର ବିଷୟ ପାଲଟିଛି।

ରାଉରକେଲା ସହରର କୁଳୁଙ୍ଗା ଫାଣ୍ଡି ଅନ୍ତର୍ଗତ ଗର୍ଜନ ପଞ୍ଚାୟତର ତୁମରନ ଗାଁରେ ଏପରି ଲୋମଟାଙ୍କୁରା ଘଟଣା ଘଟିଛି। ୪ ବର୍ଷର ପୁଅକୁ ହତ୍ୟା କରି ବାପା ଟାଙ୍ଗି ଦେଇଥିବା ଅଭିଯୋଗ ହୋଇଛି। 

 ବ୍ରାହ୍ମଣୀ ଥାନା ପୁଲିସ ଘଟଣାର ତଦନ୍ତ ଜାରି ରଖି ବାପାକୁ ଅଟକ ରଖି ପଚରାଉଚାର କରୁଛି । ହତ୍ୟାର କାରଣ ଅସ୍ପଷ୍ଟ ରହିଛି । ତେବେ କାହିଁକି ଜଣେ ବାପା ଏପରି ଚରମ ପଦକ୍ଷେପ ନେଲେ, ସେତେବେଳେ ଘରର ଅନ୍ୟ ସଦସ୍ୟ କେଉଁଆଡ଼େ ଯାଇଥିଲେ ଆଦି ସମସ୍ତ ଘଟଣାର ତନ ତନ ଯାଞ୍ଚ କରୁଛି ପୁଲିସ୍‌ ।