ବାଲେଶ୍ଵର ସହରର ଶୋଭାରମପୁରରେ ଜଣେ ଯୁବକକୁ ଗୁଳିମାଡ଼ ହୋଇଛି। ଗୁଳିମାଡ଼ରେ ଆହତ ଯୁବକଙ୍କ ନାଁ ବିନୟ କୁମାର।
ଆଜି ଅପରାହ୍ନରେ ସେ ଶୋଭାରମପୁରର ଅନ୍ଧାରୀ ମଙ୍ଗଳା ଠାକୁରାଣୀ ଗଳିରେ ଯାଉଥିବା ବେଳେ ତାଙ୍କ ଉପରକୁ ଗୁଳିମାଡ଼ ହୋଇଥିଲା। ଗୁଳି ବିନୟଙ୍କ ଡାହାଣ ହାତରେ ବାଜିଥିଲା। ତାଙ୍କୁ ବାଲେଶ୍ଵର ଡାକ୍ତରଖାନାରେ ଭର୍ତ୍ତି କରାଯାଇଛି।
Also Read
ବିନୟଙ୍କୁ ବିଳମ୍ବରେ ଡାକ୍ତରଖାନା ଅଣାଯାଇଥିବା ନେଇ ଜଣାପଡ଼ିଛି। ତେବେ ତା’ର କାରଣ ସମ୍ପର୍କରେ କିଛି ଜଣାପଡ଼ିନାହିଁ। ସହଦେବଖୁଣ୍ଟା ଥାନା ଅଧିକାରୀ ହସ୍ପିଟାଲରେ ପହଞ୍ଚି ଘଟଣା ସଂପର୍କରେ ବିନୟଙ୍କୁ ପଚରାଉଚରା କରିଛନ୍ତି।
କିଏ ଓ କାହିଁକି ତାଙ୍କୁ ଗୁଳିମାଡ଼ କଲା ସେ ନେଇ ପୁଲିସର ତନାଘନା ଜାରି ରହିଛି। ପୂର୍ବଶତ୍ରୁତା ଓ ଦାଦବଟି ଆଦାୟକୁ ନେଇ ଏହା ଘଟଣା ଘଟିଥିବା ଆଶଙ୍କା କରାଯାଉଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
