OR 
ଅବକାରୀ ବିଭାଗ କାର୍ଯ୍ୟାଳୟରୁ ଚୋରି ହୋଇଗଲା ଜବତ ହୋଇ ରହିଥିବା ଲକ୍ଷାଧିକ ଟଙ୍କାର ଗଞ୍ଜେଇ ଓ ମାଦକ ଦ୍ରବ୍ୟ। ସୁବର୍ଣ୍ଣପୁର ଜିଲ୍ଲା ସଦର ମହକୁମା ପଟାଭାଡିସ୍ଥିତ ଅବକାରୀ ବିଭାଗ କାର୍ଯ୍ୟାଳୟରୁ ଗତକାଲି ରାତିରେ ହୋଇଛି ଏହି ଚୋରି।
ଚୋରମାନେ ବିଳମ୍ବିତ ରାତିରେ ଅବକାରୀ କାର୍ଯ୍ୟାଳୟର ତାଲା ଭାଙ୍ଗି ଜବତ ଗଞ୍ଜେଇ ଓ ମାଦକ ଦ୍ରବ୍ୟ ନେଇଯାଇଛନ୍ତି। ଅବକାରୀ ବିଭାଗ ପକ୍ଷରୁ ଏନେଇ ସୋନପୁର ଥାନରେ ଏତଲା ଦିଆଯାଇଛି।
Also Read
ଅବକାରୀ ବିଭାଗର ସୂଚନା ଅନୁସାରେ ୪୩ କେଜି ୬୦୦ ଗ୍ରାମ ଗଞ୍ଜେଇ,୧୫ ବୋତଲ ବିୟର ଓ ୧୪ ବୋତଲ ହ୍ୱିସ୍କି ଚୋରି ହୋଇଛି। ଏସବୁର ମୂଲ୍ୟ ୪ ଲକ୍ଷ ୪୦ ହଜାର ୨୪୫ ଟଙ୍କା ବୋଲି କୁହାଯାଇଛି।
ସୋନପୁର ଥାନାରେ ଏତଲା ଦିଆଯିବା ପରେ ପୁଲିସ୍ ପକ୍ଷରୁ ମାମଲା ରୁଜୁ କରାଯାଇ ତଦନ୍ତ ଆରମ୍ଭ କରାଯାଇଛି।
ରିପୋର୍ଟ- ରବୀନ୍ଦ୍ର ହୋତା
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
