OR 
ଛେଳି ଚୋରକୁ ନିର୍ଧୁମ ଛେଚିଲେ। ତା’ ବେକରେ ଜୋତାମାଳ ପିନ୍ଧାଇ ଗାଁ ଦାଣ୍ତରେ ବୁଲାଇଲେ। ଏପରି ଘଟଣା ବାଲେଶ୍ୱର ଜିଲ୍ଲା ବସ୍ତା ଅଞ୍ଚଳରେ ଘଟିଛି। ଯାହାର ଭିଡିଓ ସୋଶାଲ୍ ମିଡ଼ିଆରେ ଭାଇରାଲ୍ ହେବାରେ ଲାଗିଛି। ମୋବାଇଲ୍ରୁ ମୋବାଇଲ୍ ଘୂରି ବୁଲୁଛି।
Also Read
ବସ୍ତା ଥାନା ସାନଖୁଡି ଗାଁର ବଂଶୀଧର ଦାସଙ୍କ ଘରୁ ଶନିବାର ଅପରାହ୍ନରେ କରୁଣାକର ଦାସ ଏକ ଛେଳି ଚୋରି କରିଥିବା ଅଭିଯୋଗ ହୋଇଥିଲା। ଏ ସମ୍ପର୍କରେ ଜାଣିପାରି ବଂଶୀଧର ଓ ତାଙ୍କ ପୁଅ ମିଶି କରୁଣାକରକୁ କାବୁ କରିଥିଲେ। ପରେ ଗାଁ ଲୋକଙ୍କୁ ଡାକି ବୈଠକ କରିଥିଲେ। ଜବାବ ସବାଲ ବେଳେ କରୁଣାକର ଛେଳି ଚୋରି କରିଥିବା ସାବ୍ୟସ୍ତ ହୋଇଥିଲା। ଏହା ପରେ ଗାଁର ଉତ୍ତ୍ୟକ୍ତ ମହିଳା ଏକଜୁଟ ହୋଇ କରୁଣାକରକୁ ନିର୍ଧୁମ ଛେଚିଥିଲେ।
ମାଡ଼ ମାରିଥିଲେ ମଧ୍ୟ ମହିଳାଙ୍କ ରାଗ ଶାନ୍ତ ପଡ଼ିନଥିଲା। ପରେ କରୁଣାକରଙ୍କ ବେକରେ ଜୋତା ମାଳ ପକାଇଥିଲେ। ତା’ପରେ ଗାଁ ଦାଣ୍ତରେ ତାକୁ ବୁଲାଇଥିଲେ। ଏନେଇ ବସ୍ତା ଥାନାରେ ଲିଖିତ ଅଭିଯୋଗ ହୋଇଥିଲା। ଅଭିଯୋଗକୁ ଭିତ୍ତି କରି ପୁଲିସ ଘଟଣାର ତଦନ୍ତ ଚଳାଇଛି।
ତେବେ ଏନେଇ ପୁଲିସ ଓ ଗାଁ ଲୋକଙ୍କ ପ୍ରତିକ୍ରିୟା ମିଳିପାରିନାହିଁ।
ରିପୋର୍ଟ- ଜଳେଶ୍ୱରରୁ ଅଜିତ ଦାସ
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
