କାମ କରିବାକୁ ଘରୁ ବାହାରିଥିଲେ ଜିଆର୍ଏସ୍ । କିନ୍ତୁ ସମୟ ଗଡ଼ିଯିବା ପରେ ବି ଘରକୁ ଫେରିଲେନି। ପରିବାର ଲୋକେ ନାନା ଆଶଙ୍କା ମଧ୍ୟରେ ଚାରିଆଡ଼େ ଖୋଜାଖୋଜି କରିବା ପରେ ଶେଷରେ ପାଇଲେ ମୃତଦେହ । ଏପରି ଏକ ଚାଞ୍ଚଲ୍ୟକର ଘଟଣା ସମ୍ବଲପୁର ଜିଲ୍ଲା ରେଢ଼ାଖୋଲରେ ଘଟିଛି। ମୃତ ଜିଆରଏସ୍ଜଣକ ହେଲେ ନାକଟିଦେଉଳ ବ୍ଲକ ଘୁସୁରାମାଲ ପଞ୍ଚାୟତରେ କାର୍ଯ୍ୟରତ ଜିଆରଏସ ଦିନବନ୍ଧୁ ଦାସ ।
ସବ ଦିନ ପରି ଗତକାଲି ବି ଦିନବନ୍ଧୁ ସକାଳୁ ପଞ୍ଚାୟତ କାର୍ଯ୍ୟାଳୟକୁ ବାଇକ୍ ଧରି ବାହାରି ଯାଇଥିଲେ। ମାତ୍ର ସନ୍ଧ୍ୟା ସୁଦ୍ଧା ସେ ଘରକୁ ଫେରି ନ ଥିଲେ। ବାରମ୍ବାର ଫୋନ୍ କରିବା ସତ୍ତ୍ୱେ ସେ ଫୋନ୍ ଉଠାଇଲେ ନାହିଁ ।
ଏହାପରେ ପରିବାର ଲୋକେ ଚାରିଆଡ଼େ ଖୋଜାଖୋଜି କରିବା ପରେ ସୁରାମାଲ - ଝାଟିକିମାଲ ରାସ୍ତା ମଝିରେ ଥିବା ମାଟି ଖାଲ ରାସ୍ତାରେ ମୃତ ଦେହ ପଡ଼ିଥିବା ଦେଖିବାକୁ ପାଇଲେ । ମାତ୍ର ମୃତଦେହରେ କୈଣସି କ୍ଷତ ଚିହ୍ନ ଦେଖିବାକୁ ମିଳିନାହିଁ । ନିକଟରେ ବାଇକ୍ଟି ଷ୍ଟାଣ୍ଡ ମରାଯାଇ ରଖାଯାଇଛି ।
ଖବର ପାଇ ଆଜି ସକାଳୁ ରେଢ଼ାଖୋଲ ପୁଲିସ ଘଟଣାସ୍ଥଳକୁ ପହଞ୍ଚି ତଦନ୍ତ ଆରମ୍ଭ କରିଛି । ମୃତ୍ୟୁର କାରଣ ଅସ୍ପଷ୍ଟ ରହିଛି । ପୂର୍ବ ଶତ୍ରୁତା ନା ରାଜନୈତିକ ବିବାଦରୁ ଏହି ହତ୍ୟାକାଣ୍ଡ ଘଟିଛି ତାହା ଉପରୁ ପରଦା ହଟିନି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
