ବିଦ୍ୟୁତ ତାର ଚୋରି କରୁଥିବା ବେଳେ ଦୁଇଜଣଙ୍କୁ କାବୁ କରି ପୁଲିସକୁ ଜିମା ଦେଲେ ଗାଁ ଲୋକେ। ଘଟଣାଟି ଘଟିଛି ଭଦ୍ରକ ଜିଲ୍ଲା ଧାମନଗରରେ।
ଗତକାଲି ବିଳମ୍ବିତ ରାତ୍ରିରେ ପ୍ରାୟ ୮ ଜଣ ଦୁର୍ବୃତ୍ତ ଗୋଟିଏ କାରରେ ଧାମନଗର ଛକକୁ ଆସିଥିଲେ। ସେଠାରେ ଥିବା ୩୩ କେଭି ବିଦ୍ୟୁତ ତାରକୁ ଚୋରି କରୁଥିଲେ। ଜଣେ ଦୋକାନୀ ଏହା ଦେଖି ନେଇଥିଲେ। ସେ ଗାଁ ଲୋକଙ୍କୁ ଖବର ଦେଇଥିଲେ।
Also Read
ଖବର ପାଇ ଘଟଣାସ୍ଥଳରେ ଗାଁ ଲୋକ ପହଞ୍ଚି ଦୁର୍ବୃତ୍ତ ମାନଙ୍କୁ ଧରିବାକୁ ଉଦ୍ୟମ କରିଥିଲେ। ଗାଁ ଲୋକଙ୍କୁ ଦେଖି ଘଟଣାସ୍ଥଳରୁ ୬ ଜଣ ଦୁର୍ବୃତ୍ତ ଫେରାର ହୋଇଯାଇଥିବା ବେଳେ ଦୁଇ ଜଣ ଧରାପଡ଼ିଥିଲେ। ସେମାନଙ୍କୁ ଧରି ଧାମନଗର ପୁଲିସକୁ ଖବର ଦେଇଥିଲେ ଲୋକ। ପୁଲିସ ଘଟଣାସ୍ଥଳରେ ପହଞ୍ଚି ଦୁଇ ଅଭିଯୁକ୍ତଙ୍କୁ ଗିରଫ କରିଥିଲେ। ଗିରଫ ଅଭିଯୁକ୍ତ ମାନେ ବାସୁଦେବପୁର ଅଞ୍ଚଳର ବୋଲି ଜଣାପଡ଼ିଛି। ପୁଲିସ ଘଟଣାର ତଦନ୍ତ କରୁଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
