ପୁଲିସ୍‌ ବାଇକ୍‌ ଚୋରି କରି ବନ୍ଧା ହେଲେ ହୋମଗାର୍ଡ

ରିଜର୍ଭ ପୁଲିସକୁ ମିଳିଥିବା ଗାଡି OD 05 Z 6825 କ୍ୟାମ୍ପସରୁ ଚୋରି ହୋଇଥିବା ନେଇ ଭଦ୍ରକ ଟାଉନ ଥାନାରେ ଅଭିଯୋଗ  ହୋଇଥିଲା।

Arrest

ଗିରଫ ହୋମଗାର୍ଡ।

Niharika Rout
  • Published: Thursday, 16 November 2023
  • Updated: 16 November 2023, 12:48 PM IST

ଖାକି ବର୍ଦ୍ଦିରେ ଲାଗିଲା କଳଙ୍କ । କାରଣ ପୁଲିସ୍‌ ସାଜିଲ ଚୋର। ଚୋରି ରୋକିବା ପାଇଁ ନିଯୁକ୍ତ ହୋଇଥିବା ହୋମଗାର୍ଡ ନିଜେ ପାଲଟିଗଲେ ଗାଡି ଚୋର । ଚୋରି କରିବାକୁ ବାହାର ଜିନିଷ ନୁହେଁ, ଖୋଦ ପୁଲିସ ବିଭାଗର ବାଇକ୍‌ ଉପରେ ନଜର ପକାଇଲେ। ଆଉ ନିଜେ ଗାଡ଼ି ଚୋରି କରି ତାହାର ଅଭିଯୋଗ ଥାନାରେ କଲେ। ଶେଷରେ ଏହି ଅଭିଯୋଗରେ ପୁଲିସ୍‌ ସମ୍ପୃକ୍ତ ହୋମଗାର୍ଡ଼ଙ୍କୁ ବାନ୍ଧିଛି। ଏପରି ଏକ ହାସ୍ୟାସ୍ପଦ ଘଟଣା ଭଦ୍ରକ ଜିଲ୍ଲାରେ ଘଟିଛି। ଗିରଫ ହୋମଗାର୍ଡଜଣକ ହେଲେ ଚନ୍ଦନ ବାରିକ ।

ଭଦ୍ରକ ରିଜର୍ଭ ପୁଲିସରେ ହୋମଗାର୍ଡ ଚନ୍ଦନ ବାରିକ କାର୍ଯ୍ୟରତ ଥିଲେ । ରିଜର୍ଭ ପୁଲିସକୁ ମିଳିଥିବା ଗାଡି OD 05 Z 6825 କ୍ୟାମ୍ପସରୁ ଚୋରି ହୋଇଥିବା ନେଇ ଭଦ୍ରକ ଟାଉନ ଥାନାରେ ଅଭିଯୋଗ  ହୋଇଥିଲା।

ପରେ ତଦନ୍ତ ବେଳେ ଏହି ବାଇକ୍‌ ଚୋରି ପଛରେ ଚନ୍ଦନ ହାତ ଥିବା ପୁଲିସ୍‌ ଜାଣିବାକୁ ପାଇଥିଲା। ଏପରିକି ଏକ ଗ୍ୟାରେଜରେ ଉକ୍ତ ଗାଡ଼ିର ଇଞ୍ଜିନ ନମ୍ବର ଟ୍ୟାମ୍ପରିଙ୍ଗ ସହ ରଙ୍ଗ ବଦଳା ଯାଉଥିବା ଖବର ପାଇଥିଲା ପୁଲିସ ।

Also Read

ପୁଲିସ୍‌ ତୁରନ୍ତ ଉକ୍ତ ଗ୍ୟାରେଜରେ ଚଢ଼ାଉ କରି ଗାଡ଼ିକୁ ଜବତ କରିଥିଲା। ଏଥିସହ ଏହାକୁ ଚୋରି ଅଭିଯୋଗରେ ଚନ୍ଦନ ଓ ତାଙ୍କୁ ସହଯୋଗ କରିଥିବା ଗ୍ୟାରେଜ ମିସ୍ତ୍ରୀ ସହାଦତ ଖାଁଙ୍କୁ ଗିରଫ କରିଛି।

ଜାମିନ ନାମଞ୍ଜୁର ହେବାରୁ ଦୁଇ ଜଣଙ୍କୁ ଜେଲ ପଠାଇ ଦିଆଯାଇଛି । ଘଟଣାକୁ ନେଇ ପୁଲିସ ତରଫରୁ କୌଣସି ପ୍ରତିକ୍ରିୟା ମିଳିପାରି ନାହିଁ ।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos