ଜଙ୍ଗଲରୁ ମଣିଷ ଖପୁରି ଓ ହାଡ଼ ଉଦ୍ଧାର

ଜଙ୍ଗଲରୁ ଖପୁରି ଓ ହାଡ଼ ଉଦ୍ଧାରକଲା ପୁଲିସ। ଏଘଟଣା ଘଟିଛି ବରଗଡ଼ ଜିଲ୍ଲା ପାଟପୁର ଥାନା ପଦ୍ମପୁର ପଞ୍ଚାୟତ ବୃନ୍ଦାବନପୁର ଗାଁ ନିକଟ ଜଙ୍ଗଲରେ। ଆଜି ସକାଳେ ସ୍ଥାନୀୟ ଲୋକେ ଜଙ୍ଗଲକୁ ଯାଇଥିଲେ। ସେଠାରେ ମଣିଷ ଖପୁରି ଓ ହାଡ଼ ପଡ଼ିଥିବାର ଦେଖିଥିଲେ। ଏନେଇ ସଙ୍ଗେସଙ୍ଗେ ପାଟପୁର ଥାନାକୁ ଜଣାଇଥିଲେ। ଖବର ପାଇ ଥାନା ଅଧିକାରୀ ଘଟଣାସ୍ଥଲରେ ପହଞ୍ଚି ଖପୁରି ଓ ହାଡ଼କୁ ଜବତ କରିବା ସହ ତଦନ୍ତ ଆରମ୍ଭ କରିଛି।

ତେବେ ଖପୁରି ହାଡ଼ କାହାର ଓ କେମିତି ଏହି ଜଙ୍ଗଲ ନିକଟକୁ ଆସିଲା ଏନେଇ ସ୍ପଷ୍ଟ ହୋଇନାହିଁ। ଖପୁରି ହାଡ଼ ପଡ଼ିଥିବା କିଛି ଦୂରରେ ଏକ ସାଇକେଲ ପଡ଼ିଥିବା ଦେଖିବାକୁ ମିଳିଛି।