OR 
କେନାଲରୁ ଦମ୍ପତିଙ୍କ ମୃତଦେହ ଉଦ୍ଧାର କରାଯାଇଛି। ଘଟଣା ଘଟିଛି ଢେଙ୍କାନାଳ ଜିଲ୍ଲା ସଦର ଥାନା ଅନ୍ତର୍ଗତ ପଞ୍ଚୁବଟୀ ଗାଁରେ। ମୃତକ ଦ୍ୱୟ ହେଲେ ପଞ୍ଚୁବଟୀ ଗାଁର ଅବସରପ୍ରାପ୍ତ ହାବିଲଦାର ଦୁଃଶାସନ ସାହୁ ଓ ତାଙ୍କ ପତ୍ନୀ ପଦ୍ମାବତୀ ସାହୁ।
ଗତକାଲି ସକାଳେ ଦୁଃଶାସନ ଓ ତାଙ୍କ ପତ୍ନୀ ଗାଁ ନିକଟସ୍ଥ କେନାଲକୁ ଗାଧୋଇବାକୁ ଯାଇଥିଲେ। ବିଳମ୍ବିତ ସମୟ ପର୍ଯ୍ୟନ୍ତ ସେମାନେ ଘରକୁ ଫେରିନଥିଲେ। ଏନେଇ ପରିବାର ଲୋକେ ଚାରି ଆଡେ ଖୋଜିଖୋଜି କରିଥିଲେ, ହେଲେ ପାଇ ନଥିଲେ।
Also Read
ବାପାମା’ ନିଖୋଜ ଥିବା ନେଇ ପୁଅ ଥାନାରେ ଅଭିଯୋଗ କରିଥିଲେ। ସନ୍ଧ୍ୟାବେଳେ ଦୁଃଶାସନଙ୍କ ମୃତଦେହ କେନାଲରେ ଭାସୁଥିବା ଦେଖିଥିଲେ। ଏନେଇ ପରିବାର ଲୋକଙ୍କୁ ଜଣାଇଥିଲେ। ପରିବାର ଲୋକେ ଦୁଃଶାସନଙ୍କ ମୃତଦେହ କେନାଲରୁ ଉଦ୍ଧାର କରିଥିଲେ।
ଆଜି ସକାଳେ ଦୁଃଶାସନଙ୍କ ପତ୍ନୀଙ୍କ ମୃତଦେହ କେନାଲରୁ ଉଦ୍ଧାର କରାଯାଇଛି। ଦୁଃଶାସନ ଓ ତାଙ୍କ ପତ୍ନି ଆତ୍ମହତ୍ୟା କରିଛନ୍ତି ନା ଆଉ କିଛି କାରଣ ଅଛି ତାହା ଜଣାପଡ଼ି ନାହିଁ। ପୁଲିସ ଘଟଣାର ତଦନ୍ତ କରୁଛି।
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
