OR 
ଜଣେ ଗର୍ଭବତୀ ମହିଳାଙ୍କୁ ତାର ଶ୍ୱଶୁର ଘର ଲୋକ ହତ୍ୟା କରିଥିବା ଅଭିଯୋଗ ହୋଇଛି। ଏନେଇ ପରିବାର ଲୋକ ଝିଅର ଶ୍ୱଶୁର ଘର ଲୋକଙ୍କ ନାଁରେ ଅଭିଯୋଗ କରିଛନ୍ତି। ଘଟଣା ଘଟିଛି ବାଲେଶ୍ୱର ଜିଲ୍ଲା ଖଇରା ଥାନା ଅନ୍ତର୍ଗତ ମଇଁଷାମୁଣ୍ଡା ଗାଁରେ। ମୃତ ମହିଳା ଜଣଙ୍କ ସସ୍ମିତା ସାହୁ।
୮ ବର୍ଷ ତଳେ ସସ୍ମିତା ମଇଁଷାମୁଣ୍ଡା ଗାଁର ଦୀପକ ବେହେରାଙ୍କୁ ବିବାହ କରିଥିଲେ। ବିବାହ ପରେ ଦୀପକ ସସ୍ମିତାଙ୍କୁ ମଦ ପିଇ ଆସି ମାରପିଟ କରୁଥିଲେ। ଏନେଇ ସସ୍ମିତା ପରିବାର ଲୋକଙ୍କୁ ଜଣାଇଥିଲେ। ଉଭୟ ପରିବାର ମଧ୍ୟରେ ଏନେଇ ବହୁଥର ବୁଝାମଣା ହୋଇଥିଲା। ସସ୍ମିତା ୮ ମାସର ଗର୍ଭବତୀ ଥିଲେ। ଗୁରୁବାର ସସ୍ମିତାଙ୍କ ଝୁଲନ୍ତା ମୃତଦେହ ତାଙ୍କ ଶ୍ୱଶୁର ଘରୁ ଉଦ୍ଧାର କରାଯାଇଥିଲା। ସସ୍ମିତାଙ୍କୁ ତାର ଶ୍ୱଶୁର ଘର ଲୋକ ହତ୍ୟା କରିଥିବା ପରିବାର ଲୋକ ଅଭିଯୋଗ କରିଛନ୍ତି।
Also Read
ସସ୍ମିତା ଭଉଣୀ କହିଛନ୍ତି, ମୋ ଭଉଣୀର ସ୍ୱାମୀ ସବୁବେଳେ ମଦ ପିଏ। ଓ ତାକୁ ମାରଧର କଳେ।ତାର ସ୍ୱାମୀ ମଦ ପିଇକି ଆସି ମୋ ଭଉଣୀର ତଣ୍ଟି ଚିପି ଦେଇଛି। ମୋ ଭଉଣୀ ଆତ୍ମହତ୍ୟା କରିନାହିଁ। ଏ ନେଇ ସସ୍ମିତାଙ୍କ ଶାଶୁଘର ପରିବାର କି ପୁଲିସ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
