OR 
ଅନୁଗୋଳ ଜିଲ୍ଲା ଅବକାରୀ ବିଭାଗ ଆଜି ଛେଣ୍ଡିପଦା ଥାନା ମାଛକୁଟା ଗାଁରେ ଚଢ଼ାଉ କରି ଏକ ନକଲି ମଦ କାରଖାନା ଠାବ କରିବା ସହିତ ୨ ଜଣଙ୍କୁ ଗିରଫ କରିଛି। ସେମାନଙ୍କ ନିକଟରୁ ବିପୁଳ ପରିମାଣର ନକଲି ବିଦେଶୀ ମଦ,ଠିପି, ଦେଶୀ ମଦ ଓ ସିଲ୍ ମେସିନ ଜବତ କରାଯାଇଛି।
ମାଛକୁଟା ଅଞ୍ଚଳରୁ ଏକ କାରରେ ନକଲି ମଦ ଚାଲାଣ ହେଉଥିବା ଅନୁଗୋଳ ଅବକାରୀ ବିଭାଗ ଖବର ପାଇଥିଲା। ଏଥିପାଇଁ ମାଛକୁଟା ଚାରବାଟିଆ ନିକଟରେ ଏକ କାରକୁ ଅଟକାଇ ଅବକାରୀ ବିଭାଗ ଯାଞ୍ଚ କରିଥିଲା। ଯାଞ୍ଚ ବେଳେ ସେଥିରେ ୩ ଜାରକିନ ଦେଶୀ ମଦ, ଦୁଇ ପେଟି ନକଲି ବିଦେଶୀ ମଦ ଓ ଠିପି ଜବତ କରିଥିଲା।
Also Read
ଅଧିକ ତନାଘନା ପରେ ମାଛକୁଟାର ଏକ ଘରୁ ଆଉ କିଛି ଠିପି ଓ ସିଲ ମେସିନ ଜବତ ହୋଇଥିଲା। ଏହି ଘଟଣାରେ ଦୁଇ ଜଣଙ୍କୁ ଗିରଫ କରିବା ସହିତ ଅଧିକ ତଦନ୍ତ ଜାରି ରଖିଛି ଅବକାରୀ ବିଭାଗ। ରାଜ୍ୟ ବାହାରୁ ବୋତଲ ଓ ଠିପି ମଗାଇ ଦେଶୀ ମଦରେ ରଙ୍ଗ ମିଶାଇ ଏମାନେ ବାହାର ବଜାରରେ ବିକ୍ରି କରୁଥିଲେ ବୋଲି ଜଣାପଡ଼ିଛି।
ଅନୁଗୋଳରୁ ବିରଜା ପ୍ରସାଦ ଦାଶଙ୍କ ରିପୋର୍ଟ
TAGS
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
